انوکھے لاڈلے سے انسانی ہمدردی ، جیلوں میں قیدی دوائیں نہ ملنے سے مرگئے، وفاقی وزیر فیصل واڈا

انوکھے لاڈلے سے انسانی ہمدردی ، جیلوں میں قیدی دوائیں نہ ملنے سے مرگئے، ...
انوکھے لاڈلے سے انسانی ہمدردی ، جیلوں میں قیدی دوائیں نہ ملنے سے مرگئے، وفاقی وزیر فیصل واڈا

  



اسلام آباد(ڈیلی پاکستان آن لائن)وفاقی وزیر فیصل واڈا نے کہاہے کہ انوکھے لاڈلے سے انسانی ہمدردی کی گئی ،تاریخ میں کسی مجرم کو ایسی رعایت نہیں ملی،جیلوں میں کئی قیدی ایسے ہیں جو دوائیں نہ ملنے سے مرگئے ۔

اے آر وائی نیو ز کے پروگرام ”الیونتھ آور “میں گفتگو کرتے ہوئے فیصل واڈا نے کہا کہ نواز شریف کیلئے کوئی ایسی بیماری آگئی ہے کہ جس کاعلاج ہی ملک کے اندر نہیں ہے، اشتہاریوں کا ٹولہ ملک سے باہر بیٹھا ہوا ہے ۔انہوں نے کہا کہ اس پر ڈاکٹر کہہ رہے ہیں کہ نواز شریف کی صحت میں بہتری تب آئیگی جب مریم نواز ان کی تیمار داری کرے گی ۔

انہوں نے کہاکہ اگر بانڈز نہیں دیتے تو دونو ں بیٹے شخصی ضمانت پر ملک میں آجائیں اور نواز شریف کو لے جائیں۔ان کا کہنا تھا کہ 7ارب تو نواز شریف کا بیٹا ایک دستخط پردے سکتا ہے ،انوکھے لاڈلے سے انسانی ہمدردی کی گئی ،تاریخ میں کسی مجرم کو ایسی رعایت نہیں ملی،جیلوں میں کئی قیدی ایسے ہیں جو دوائیں نہ ملنے سے مرگئے ۔

مزید : قومی