پاکستان، غیر ملکی سیاحوں کی آمد میں 70فیصد اضافہ 

پاکستان، غیر ملکی سیاحوں کی آمد میں 70فیصد اضافہ 

  



اسلام آباد (اے پی پی)پاکستان میں غیر ملکی سیاحوں کی آمد میں 70 فیصد اضافہ ہوا ہے۔ پاکستان ٹورازم ڈویلپمنٹ کارپوریشن کی جانب سے جاری کردہ اعداد و شمار کے مطابق پاکستان میں سکیورٹی حالات بہتر ہونے سے بیرون ممالک سے وزٹ ویزا پر آنے والے سیاحوں کی تعداد میں گزشتہ سال کے دوران  70 فیصد اضافہ ہوا۔ 2018ء میں  17,823غیر ملکی سیاحوں نے پاکستان کے مختلف مقامات کی سیاحت کے لئے یہاں کا رخ کیا جبکہ 2017ء میں یہ تعداد 10,476 رہی تھی۔ انہوں نے کہاکہ گزشتہ 6 سال کے دوران   60,070 غیر ملکی سیاح  پاکستان میں مذہبی و دیگر مقامات کی سیر کیلئے آئے۔

مزید : کامرس