سرکاری افسروں پر تشدداور ناقص انکوائری  کرنیوالے انسپکٹر‘ اسسٹنٹ سب انسپکٹر  کے خلاف نوٹس‘ کیس کی آج سماعت

 سرکاری افسروں پر تشدداور ناقص انکوائری  کرنیوالے انسپکٹر‘ اسسٹنٹ سب ...

  

 ملتان (خصو صی رپورٹر)انسداد دہشت گردی کی خصوصی عدالت ملتان کے جج مسعود ارشد نے پبلک ہیلتھ انجینئرنگ (بقیہ نمبر49صفحہ 6پر)

کے افسران کو تشدد کا نشانہ بنانے والے مبینہ دہشتگردوں کے خلاف ناقص انکوائری کرنے والے انسپکٹر اور اسسٹنٹ سب انسپکٹر کے خلاف نوٹس کیس کی سماعت آج 15 اکتوبر مقرر کی ہے۔ کیس میں آج آخری بحث ہوگی جس کے بعد اگلی سماعت پر فیصلہ سنائے جانے کا امکان ہے۔ قبل ازیں فاضل عدالت میں پولیس تھانہ صدر وہاڑی کے پیش کیے گئے استغاثہ کے مطابق کمیونٹی ڈویلپمنٹ آفیسر پبلک ہیلتھ انجینئرنگ نعیم احمد نے 3 نومبر 2018 کو مقدمہ درج کرایا۔ جس میں الزام عائد کیا گیا کہ ملزمان صدیق وغیرہ جو مین پائپ لائن سے پانی چوری کررہے تھے انہیں روکنے کے لیے سرکاری افسران و اہلکاروں کی ٹیم موقع پر پہنچی تو 50 سے 60 ملزمان نے ٹیم پر حملہ کیا اور ڈنڈے، سوٹوں، پمپ ایکشن لہراتے ہوئے حملہ کردیا جس سے کئی اہلکار زخمی ہوئے اور علاقے میں خوف و ہراس بھی پھیل گیا تھا۔ لیکن کیس کی ناقص انکوائری کرنے پر انسپکٹر و انچارج اے ٹی اے کیسز محمد ذاکر اور اسسٹنٹ سب انسپکٹر قیصر منظور کو 27 اے کا نوٹس جاری ہوا، کیس میں آخری بحث ہونا باقی ہے۔

ناقص انکوائری

مزید :

ملتان صفحہ آخر -