کراچی، گھر کی کھڑکی سے منشیات فروشی کا انکشاف

      کراچی، گھر کی کھڑکی سے منشیات فروشی کا انکشاف

  

کراچی(اسٹاف رپورٹر)کراچی کے علاقے جہانگیر روڈ پر ایک گھر کی کھڑکی سے ہول سیل اور ریٹیل ریٹ پر منشیات فروش ہونے لگی۔تفصیلات کے مطابق شہر قائد میں ایک طرف کو پولیس کی جانب سے منشیات فروشوں کے خلاف سخت کریک ڈان جاری ہے اور ایڈیشنل انسپکٹر جنرل آف پولیس عمران یعقوب روزانہ کی بنیاد پر کارکردگی کے حوالے سے رپورٹ بھی طلب کرتے ہیں۔دوسری جانب کراچی میں جہانگیر روڈ کے علاقے بلوچ پاڑا میں کھلے عام گھر کی کھڑکی سے منشیات فروش ہورہی ہے اور لوگ کریمی مسجد کے قریب لائن لگاکر منشیات حاصل کررہے ہیں۔منطرعام پر آنے والی ویڈیوز کے مطابق بلوچ پاڑا منشیات فروشی کا گڑھ بن چکا ہے، جہاں چھوٹا بابا لاڈلہ اور فہیمدہ نامی خاتون گھر کی کھڑکی سے ہول سیل اور ریٹیل ریٹ پر منشیات فروش کرتی ہیں۔منشیات فروشی کی ویڈیوز وائرل ہونے کے باوجود پولیس نے بلوچ پاڑا کے منشیات فروشوں کے خلاف تاحال کوئی کارروائی نہیں کی ہے۔

مزید :

صفحہ آخر -