پاکستان کے کابل حملے کا ہدف غیر ملکی جنگجو تھے، افغان صحافی

کابل (ڈیلی پاکستان آن لائن) افغانستان سے تعلق رکھنے والے صحافی سمیع یوسفزئی کا کہنا ہے کہ پاکستان کی طرف سے افغان دارالحکومت کابل پر جو حملہ کیا گیا اس کا ہدف غیر ملکی جنگجو تھے۔ طالبان حکومت نے اس کو چھپانے کیلئے سوشل میڈیا تک رسائی محدود کردی ہے۔

اپنی ایکس پوسٹ میں سمیع یوسفزئی نے کہا کہ پاک فضائیہ نے کابل پر جو فضائی حملہ کیا اس میں درجنوں ہلاکتیں ہوئیں جب کہ 300 افراد زخمی ہوئے۔ یہ حملہ شہید گول چکر کے قریب کیا گیا۔

سمیع یوسفزئی نے ذرائع کے حوالے سے لکھا کہ فضائی حملے کی وجہ سے ایک آئل ٹینکر میں بھی آگ لگی  اور پورے علاقے میں پھیل گئی۔ 

افغان صحافی کے مطابق  پاکستان کے فضائی حملے کا ہدف کچھ گھر تھے جن میں غیر ملکی جنگجو رہائش پذیر تھے۔ اس حملے کو چھپانے کیلئے طالبان حکومت نے سوشل میڈیا تک رسائی محدود کردی ہے۔