پیپلز پارٹی اورق لیگ کا الیکشن میں سیٹ ایڈجسمنٹ پراتفاق
اسلام آباد(مانیٹرنگ ڈیسک)پیپلزپارٹی اورمسلم لیگ ق پنجاب میں انتخابی ایڈجسٹمنٹ پر متفق ہوگئیں۔ٹکٹوں کے لیے کوارڈی نیشن کمیٹی شجاعت حسین کی وطن واپسی پر بنے گی۔کمیٹی بنانے کا فیصلہ مسلم لیگ ق کی جانب سے ٹکٹوں کے پیشگی اعلان پر شکایات کے باعث کیاگیا۔ صدر زر داری نے دونوں جماعتوں کے پانچ پانچ ارکان پر مشتمل کوارڈینیشن کمیٹی بنانے کی منظور ی دے دی ہے ۔کمیٹی میں ق لیگ کی طرف سے پرویز الٰہی ،بشار ت راجہ ، چوہدری ظہیر الدین اور پیپلزپارٹی کے امتیاز صفدر وڑائچ ،حاجی عزیز الرحمن چن ،میاں مصباح الرحمن شامل ہو سکتے ہیں۔