جلد مرکزی ملزم عابد کو بھی گرفتار  کر لیں گے، صوبائی وزیر قانون

 جلد مرکزی ملزم عابد کو بھی گرفتار  کر لیں گے، صوبائی وزیر قانون

  

 لاہور(مانیٹرنگ ڈیسک ڈیسک) صوبائی وزیر قانون راجہ بشارت نے موٹروے پر خاتون سے زیادتی کیس پر بات کرتے ہوئے امید ظاہر کی ہے کہ بہت جلد مرکزی ملزم عابد کو بھی گرفتار کر لیں گے۔نیا نیوز سے خصوصی گفتگو کرتے ہوئے ان کا کہنا تھا کہ اس کیس کا ایک اہم ملزم شفقت گرفتار ہو چکا ہے۔ اس نے اعتراف جرم کر لیا ہے جس سے ہمیں واضح لیڈ ملی ہے۔راجہ بشارت نے کہا کہ لاہور پولیس نے محنت سے کام کیا، اس کی وجہ سے ہی ملزم شفقت گرفتار ہوا۔ اب ہمارے لیے مشکل ٹاسک نہیں رہا۔ بہت جلد مرکزی ملزم عابد تک بھی پہنچ جائیں گے۔وزیر قانون پنجاب کا ایک سوال کا جواب دیتے ہوئے کہنا تھا کہ ہم نے اس کیس کا جلد چالان مکمل کرنا ہے۔ قانون کے مطابق سزا دلوانے کے لیے اقدامات کر رہے ہیں۔ قانون موجود ہے، صرف عملدرآمد کرانے کی بات ہے۔ مزید کسی قانون سازی کی ضرورت نہیں ہے۔انہوں نے کہا کہ اگرملزموں کو سزا نہ دلوا سکے یا تاخیر ہوئی تو ایسے لوگوں کی حوصلہ افزائی ہوتی ہے۔ گھناؤنا جرم کرنے والوں کو عبرت ناک سزا دلوائیں گے۔

صوبائی وزیر قانون

مزید :

صفحہ اول -