جزیرے کی طرح میری نشانی کس لیے ہے | اشفاق حسین|
جزیرے کی طرح میری نشانی کس لیے ہے
مرے چاروں طرف پانی ہی پانی کس لیے ہے
میں اکثر سوچتا ہوں دل کی گہرائی میں جا کر
زمیں پر ایک چادر آسمانی کس لیے ہے
بظاہر پُر سکوں اور دل کی ہر اک رگ سلامت
تو زیر ِ سطح دریا میں روانی کس لیے ہے
میں ٹوٹا ہوں تو اپنی کرچیاں بھی جوڑ لوں گا
بکھرنے پر مرے یہ شادمانی کس لیے ہے
یہ دل‘ بے حوصلہ دل‘ میرے کہنے میں نہیں جب
تو اپنے دل کی میں نے بات مانی کس لیے ہے
کریں لہجے بدل کر گفتگو اک دوسرے سے
ہمارے درمیاں یہ بے زبانی کس لیے ہے
سبھی کردار اپنا کام پورا کرچکے ہیں
پھر آخر نامکمل یہ کہانی کس لیے ہے
شاعر: اشفاق حسین
(شعری مجموعہ: آشیاں گم کردہ، سالِ اشاعت، 2009)
Jazeeray Ki Tarah Meri Nishaani Kiss Liay Hay
Miray Chaaron Taraf Paani Hi Paani Kiun Hay
Main Aksar Sochta Hun Dil Ki Grehraai Men Ja Kar
Zameen Par Aik Chaadar Aasmaani Kiss Liay Hay
Bazaahir Pursakoon Aor Dil Ki Har Ik Rag Salaamat
To Zer -e- Sath -e- Darya Ik Rawaani Kiss Liay Hay
Main Toota Hun To Apni Kirchiyaan Bhi Jorr Lun Ga
Bikharnay Pe Miray Yeh Shaadmaani Kiss Liay Hay
Yeh Dil , Yeh Be Hosla Dil Meray Kehnay Men Nahen Jab
To Apnay Dil Ki Main Nay Baat Maani Kiss Liay Hay
Karen Lehjay Badal Kar Guftagu Ik Doosray Say
Hamaaray Darmiaan Yeh Be Zubaani Kiss Liay Hay
Sabhi Kirdaar Apna Kaam Poora Kar Chukay Hen
To Aakhir Na Mukammal Yeh Kahaani Kiss Liay Hay
Poet: Ashfaq Hussian