سوشل میڈیا پر معروف ٹک ٹاک سٹار ” عادل راجپوت “ کی کار حادثے میں جاں بحق ہونے کی اطلاعات

سوشل میڈیا پر معروف ٹک ٹاک سٹار ” عادل راجپوت “ کی کار حادثے میں جاں بحق ...
سوشل میڈیا پر معروف ٹک ٹاک سٹار ” عادل راجپوت “ کی کار حادثے میں جاں بحق ہونے کی اطلاعات
کیپشن:    سورس:   Social Media

  

لاہور (ڈیلی پاکستان آن لائن ) سوشل میڈیا پر خبریں گردش کر رہی ہیں کہ معروف ٹک ٹاک سٹار ” عادل راجپوت “ کار حادثے میں زندگی کی بازی ہار گئے ہیں ، عادل راجپوت کی موت کی خبر ان کی اہلیہ کی جانب سے جاری کر دہ ویڈیو پیغام میں دی گئی ہے ۔سوشل میڈ یا صارفین اور علاقہ مکینوں کی جانب سے جب اس خبر پر افسوس کا اظہار کیا گیا اور محلے دار ان کے گھر پہنچے توپتہ چلا کہ عادل راجپوت کی اہلیہ نے فالورز بڑھانے کے لیے جھوٹی خبر پھیلائی ہے۔ 

تفصیلات کے مطابق عادل راجپوت ٹک ٹاک پر اپنی کپل ویڈیوز کے باعث کافی شہرت رکھتے تھے اور ان کے فالورز کی تعداد 2.7 ملین تھی ، تاہم اب نہایت افسوسناک خبر سوشل میڈیا کے ذریعے موصول ہو رہی ہے کہ وہ کار حادثے میں جاں بحق ہو گئے ہیں ۔عادل راجپوت کی اہلیہ کا ویڈیو پیغام میں کہناتھا کہ ” عادل کی موت ہو گئی ہے ، کال آئی اور بتایا کہ عادل کا ایکسیڈنٹ ہو گیاہے ، وہ اس دنیا میں نہیں رہے ۔“ 

ٹویٹر پر شوبز اینڈ نیوز نامی پیج پر عادل کی اہلیہ کا ویڈیو پیغام پوسٹ کیا گیاہے اور ساتھ ہی یہ تحریر بھی لکھی گئی ہے کہ ” عادل راجپوت کی موت ایک مصنوبہ بندی کے تحت کیے گئے ٹریفک حادثے میں ہوئی ہے ، ان کی اہلیہ بھی خبر کی تصدیق کر رہی ہیں ، عادل کو کئی دنوں سے موت کی دھمکیاں موصول ہو رہی تھیں ۔

ٹویٹر صارف حرما علوی کی جانب سے بھی ٹک ٹاک سٹار عادل راجپوت کی موت پر گہرے دکھ اور رنجھ کا اظہار کیا گیا اور انہوں نے ان کے اہل خانہ سے اظہار تعزیت کرتے ہوئے ان کی مغرفت کیلئے دعاکی۔

سوشل میڈیا پر عادل راجپوت کے کارحادثے میں جاں بحق ہونے کی خبر تیزی سے پھیل رہی ہے جبکہ یہ افواہ بھی زیر گردش ہے کہ انہیں ایک منصوبہ بندی کے تحت ٹریفک حادثے کا شکار کیا گیا ہے۔تاہم اب یہ تمام افواہیں دم توڑ گئی ہیں کیونکہ عادل راجپوت کی موت کی خبر جھوٹی نکلی۔

مزید :

تفریح -