جمہوریت، پارلیمنٹ کو مضبوط کرنے کیلئے انتخابی اصلاحات وقت کی ضرورت: چودھری سرور
لاہور(نمائندہ خصوصی)گور نر پنجاب چوہدری محمدسرور نے کہا ہے کہ ہم اداروں سے ٹکراؤ نہیں ان کی مضبوطی پر یقین رکھتے ہیں کیونکہ اداروں کی مضبوطی سے ہی پاکستان کی مضبوطی ہے ملک میں جمہوریت اور پار لیمنٹ کو مضبوط کر نے کیلئے انتخابی اصلاحات وقت کی سب سے بڑی ضرورت ہیں عام آدمی کو صحت اور تعلیم جیسی بنیادی سہولتوں کے ساتھ ساتھ روزگار کی فراہمی اور مہنگائی کا خاتمہ حکومت کی اولین تر جیح ہے کامیاب پاکستان پروگرام سے40 سے 60 لاکھ خاندانوں کو اپنے پاؤں پر کھڑا ہونے کا موقع ملے گا بوائز سکاؤٹس ایسوسی ایشن کے نیشنل ہیڈ کوارٹر کے دورہ کے دوران میڈیا سے گفتگو کر رہے تھے جبکہ اس موقعہ پر چیف کمشنر بوائز سکاؤٹس ایسوسی ایشن سرفراز قمر،مر کزی سیکرٹری افتخاراحمد،خزانچی سجاد مسعود چشتی،بوائز سکا ؤٹس ایسوسی ایشن پنجاب کے کمشنر ایڈ منسٹر یشن محمد وسیم باری اوررانا تقاسر سمیت دیگر بھی موجود تھے گورنر پنجاب چوہدری محمدسرور نے میڈیا سے گفتگو کے دوران کہا کہ انتخابی اصلاحات کے معاملے میں سیاسی مخالفین کا رکاوٹیں ڈالنا کسی بھی صورت جمہوریت کی خدمت نہیں اْنہوں نے کہا کہ اپوزیشن کو چاہیے کہ وہ جمہوریت اور ملک وقوم کے مفادات کو سامنے رکھتے ہوئے انتخابی اصلاحات کے معاملے پر حکومت کے ساتھ مل بیٹھے چوہدری محمدسرور نے کہا کہ سیاست کر نا اپوزیشن کا جمہوری حق ہے ہمیں ان سے کسی قسم کا کوئی خطرہ نہیں۔ اْنہوں نے کہا کہ عوام نے تحر یک انصاف کو پانچ سال حکومت کا مینڈ یٹ دیا ہے وزیر اعظم عمران خان کی قیادت میں حکومت اپنی آئینی مدت پوری کر یگی اور عام انتخابات 2023میں ہی ہونگے اْنہوں نے کہا کہ اپوزیشن کو چاہیے کہ وہ احتجاج کی دھمکیاں دینے کی بجائے آئندہ عام انتخابات کا انتظار کر ے پھر عوام اپنے ووٹ کی طاقت سے فیصلہ کر ینگے کہ وہ کس کو اقتدار میں لانا چاہتے ہیں۔گور نر پنجاب نے کہا کہ حکومت نے اپنی کامیاب معاشی پالیسیوں کے ذریعے پاکستان کو معاشی طور پر دیوالیہ ہونے سے بچایا اور آج پاکستان کووڈ۔19 کے باوجود 10 ابھرتی ہوئی معیشتوں میں شامل ہے۔ اْنہوں نے کہا کہ انصاف صحت کارڈ حکومت کا غر یب دوستی کا تحفہ ہے اور حکومت نے اب صحت کارڈ کا دائرہ کار مزید بڑھادیا ہے ایک سوال کے جواب میں گور نر پنجاب چوہدری محمد سرورنے کہا کہ کنٹونمنٹ بورڈ ز کے انتخابی نتائج سے ثابت ہوچکا ہے کہ پاکستان تحر یک انصاف ملک کی سب سے مقبول سیاسی جماعت بن چکی ہے ا اْنہوں نے کہا کہ عوام سے کیے جانیوالے وعدوں کو پورا کر نے کیلئے موجودہ حکومت نیک نیتی کیساتھ کام کر رہی ہے۔
گورنر پنجاب