نئی نویلی دلہن نے شوہر کو پانی لینے بھیجا اور پیچھے سے ایسا کام کر ڈالا کہ دولہا واپس آیا تو دیکھ کر ہوش ہی اڑ گئے

نئی نویلی دلہن نے شوہر کو پانی لینے بھیجا اور پیچھے سے ایسا کام کر ڈالا کہ ...
نئی نویلی دلہن نے شوہر کو پانی لینے بھیجا اور پیچھے سے ایسا کام کر ڈالا کہ دولہا واپس آیا تو دیکھ کر ہوش ہی اڑ گئے

  

نئی دہلی (ویب ڈیسک) بھارت سے ایک حیران کن خبر آئی ہے جہاں پر نئی نویلی دلہن شوہر سے پانی منگوانے کا بہانہ بنا کر سسرال کاسارا زیورات اور نقدی لے اُڑی۔

نجی ٹی وی دنیا نیوز کے مطابق شادی کے بعد نئی نویلی دلہن کو شوہر سے ناز نخرے اٹھواتے تو آپ نے بھی کئی بار دیکھا ہوگا لیکن بھارت میں اپنی نوعیت کا ایک منفرد واقعہ پیش آیا ہے۔غیر ملکی میڈیا کے مطابق بھارتی ریاست اتر پردیش کے ضلع مین پوری میں نئی نویلی دلہن سسرال جاتے وقت شوہر سے پانی منگوانے کا بہانہ بناکر سسرال کا سارا زیور اور نقدی لے اڑی۔

راجو نامی شخص کی شادی کسی تیسرے شخص کے توسط سے گزشتہ ماہ طے کی گئی تھی ،شادی سے قبل لڑکی کے گھر والوں نے راجو کے اہل خانہ کے سامنے شرط رکھی کہ ان کی لڑکی کی راجو سے شادی اسی وقت کی جائے گی جب وہ لڑکی کے گھروالوں کو 80 ہزار بھارتی روپے ادا کریں گے۔رپورٹ کے مطابق راجو کے گھر والوں کو بھی کافی عرصے سے لڑکی نہیں مل رہی تھی لہٰذا وہ اس شرط پر راضی ہوگئے، بعد ازاں دونوں کی شادی بخوبی انجام پاگئی۔

شادی کے موقع پر دلہا کے گھر والوں کی جانب سے بہو کے لیے،کپڑے، زیوارت اور بہت سے تحائف کا بھی انتظام کیا گیا، رخصتی کے بعد راجو نئی نویلی دلہن کو اپنے گھر لے جانے کے لیے بس میں سوار ہوگیا۔اس دوران ایک بس سٹینڈ پر پہنچ کر دلہن نے راجو سے کہا کہ وہ پیاسی ہے راجو انہیں پانی کی بوتل لادے، راجو جب بیوی کے لیے پانی کی بوتل لے کر سیٹ پر پہنچا تو یہ دیکھ کر حیران رہ گیا کہ اس کی نئی نویلی بیوی تمام تحفے تحائف اور نقدی لے کر فرار ہوگئی  ہے۔ بعد ازاں راجو کی جانب سے دلہن اور اس کے اہل خانہ کے خلاف دھوکہ دہی کا مقدمہ دائر کیا گیا ہے۔

مزید :

ڈیلی بائیٹس -بین الاقوامی -