اختر مینگل نے حکومت سے2 ووٹوں کے بدلے 2 ہزار لاپتہ افراد کی بازیابی مانگ لی

اسلام آباد (ڈیلی پاکستان آن لائن)بی این پی مینگل کے سربراہ اختر مینگل نے حکومت سے2 ووٹوں کے بدلے 2 ہزار لاپتہ افراد کی بازیابی مانگ لی۔

"آج نیوز" کے مطابق سینیٹ میں بی این پی مینگل کے 2 ووٹ اہمیت اختیار کرگئے ہیں، وزیراعظم شہباز شریف نے سردار اختر مینگل سے آئینی ترمیم کے حوالے سے ٹیلی فونک رابطہ کیا ہے،سردار اختر مینگل نے آئینی ترامیم کا مسودہ مانگ لیا ہے۔اختر مینگل نے سینیٹ کے 2  ووٹوں کے بدلے 2 ہزار لاپتہ افراد کی فوری بازیابی کا مطالبہ کردیا ہے۔

وزیراعظم نے سردار اختر مینگل کے مطالبات پر بات چیت کی یقین دہانی کرائی ہے۔