نواز شریف کی نااہلی کے عدالتی فیصلے کو عوام میں بہت پذیرائی ملی ،اعجاز چودھری
لاہور(نمائندہ پاکستان) پاکستان مسلم لیگ ق پنجاب کے نائب صدر اعجاز چوہدری نے کہا ہے کہ میاں نواز شریف کی تاحیات نااہلی پر عوام خوش ہیں عوام کسی صورت کرپٹ حکمران کو قبول کرنے کو تیار نہیں ان خیالات کا اظہار انہوں نے گزشتہ روز سنگھ پورہ میں ایک کارنر میٹنگ کے دوران کارکنوں کے وفود سے گفتگو کرتے ہوئے کیا۔ انہوں نے مزید کہا کہ میاں نواز شریف کی نااہلی کے عدالتی فیصلے کو عوام میں بہت پذیرائی ملی ہے عوام نے کرپٹ عناصر کو مسترد کر دیا ہے عوام کے مسائل سے روگردانی کرنے والوں کا انجام یہ ہی ہونا چاہیے انہوں نے کہا کہ تحریک انصاف کی مقبولیت میں روز بروز اضافہ عمران خان کے کرپشن کے معاملے میں دو ٹوک موقف کی وجہ سے ہے تحریک انصاف عوام کو کرپٹ لوگوں سے نجات دلائے گی۔ عوام آئندہ عام انتخابات میں تحریک انصاف کو منتخب کرا کر نئے پاکستان کی بنیاد رکھیں گے۔
