لبنان میں نفسیاتی مریض والدہ نے 2بیٹیوں کی گردن چھری سے کاٹ ڈالی

لبنان میں نفسیاتی مریض والدہ نے 2بیٹیوں کی گردن چھری سے کاٹ ڈالی

بیروت(این این آئی)لبنان کے شمال میں واقع قصبے مشتی حمود میں ایک ماں نے گھر کے اندر اپنی دو بچیوں کا گلا کاٹ دیا۔عرب ٹی وی کے مطابق لبنانی خاتون رقیّہ العسّاف نے جس کی عمر 20 سے 30 سال کے درمیان ہے، باورچی خانے سے بڑی چھری لے کر کمرے میں سوئی اپنی دو بچیوں 9 سالہ عائشہ اور 6 سالہ سارہ کے گلوں پر پھیر دی۔ اس کے نتیجے میں عائشہ فوری طور پر دم توڑ گئی جب کہ سارہ گردن میں شدید زخم آنے کے باوجود موت کے منہ میں جانے سے بچ گئی۔سارہ کو فوری طور پر ہسپتال منتقل کیا گیا جہاں ڈاکٹروں کا کہنا تھا کہ اب اس کی حالت خطرے سے باہر ہے۔ بچیوں کی ماں نے نے جْرم کا ارتکاب کرنے کے فوری بعد قصبے میں واقع لبنانی فوج کی نزدیکی چیک پوسٹ کا رخ کیا اور اپنی بیٹیوں کا گلا کاٹنے کا اعتراف کرتے ہوئے خود کو فوجی اہل کاروں کے حوالے کر دیا۔ بچیوں کی ماں نفسیاتی مریضہ ہے اور اس کا علاج چل رہا ہے۔ تقریبا ایک برس قبل اس نے خود کشی کی کوشش کے علاوہ اپنی دونوں بیٹیوں کو اسی طرح سے موت کی نیند سلانے کی کوشش بھی کی تھی تاہم وہ کامیاب نہ ہو سکی۔ قصبے کے لوگوں کا کہنا ہے کہ رقیّہ اپنی بیٹیوں سے بے پناہ محبت کرتی ہے اور اس کے نفسیاتی مرض نے ہی خود کو جان سے مار دینے کی کوشش اور دونوں بیٹیوں کے خلاف اقدام قتل پر مجبور کر دیا۔

مزید : عالمی منظر

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...