چین کا مسافر طیارہ ہائی جیک کرنے کی کوشش، دوران پرواز ایئرہوسٹس کو یرغمال بنا لیا گیا لیکن جیسے ہی طیارے نےلینڈنگ کی تو ملزم نے کیا کام کیا؟ جان کر آپ بھی سر پکڑ کر بیٹھ جائیں گے
بیجنگ(ویب ڈیسک) چین میں ایک مسافر نے دوران پرواز بال پوائنٹ ایئر ہوسٹس کے گلے پر رکھ کراسے یرغمال بنایا اور جہاز کو لینڈ کرنے کا مطالبہ کردیا۔
یوٹیوب چینل سبسکرائب کرنے کیلئے یہاں کلک کریں
چینی ایوی ایشن ایڈمنسٹریشن نے ایک بیان میں بتایا کہ بیجنگ کے لیے اڑان بھرنے والی ایئر چائنا کی پرواز سی اے 1350 کو ایک مسافر نے ہائی جیک کرنے کی کوشش کی، مسافر نے پین کو ہتھیار بنا کر ایک ایئرہوسٹس کوغمال بنالیا جس سے طیارے میں خوف وہراس پھیل گیا۔ٹوئٹر پر شیئر ہونے والی ایک تصویر میں دیکھا جاسکتا ہے کہ مسافر نے ایئرہوسٹس کو قابو کررکھا ہے اور اس کی گردن پر پین رکھا ہوا ہے۔
Air China #CA1350 to Beijing diverted after a flight attendant was held hostage by a passenger https://t.co/Q0389yGUEA pic.twitter.com/TOci0jjw9O
— AIRLIVE (@airlivenet) April 15, 2018
ابتدائی طور پر ایئرلائن نے بتایا کہ سیکیورٹی وجوہات کی بنا پر پرواز کا رخ موڑ کر سینٹرل چائنا کے صوبے ہنان کے دارالحکومت زہنگ زیو کے انٹرنیشنل ایئرپورٹ پر ایمرجنسی لینڈنگ کرائی گئی۔طیارے کی لینڈنگ کے وقت رن وے پر کسی بھی ناخوشگوار صورتحال سے نمٹنے کے لیے تمام تر تیاریاں مکمل کرلی گئی تھیں اور رن وے پر اضافی سیکیورٹی گارڈز تعینات کردیے گئے تھے تاہم حیران کن طور پر طیارہ لینڈ ہونے کے بعد تمام مسافر بحفاظت بار گئے جب کہ ملزم نے ایئرہوسٹس کو بھی بغیر کسی مطالبے کے چھوڑ دیا۔سیکیورٹی فورسز نے مذکورہ شخص کو گرفتار کرلیا اور اس سے تفتیش کی جارہی ہے کہ اس نے ایئرہوسٹس کو یرغمال بناکر فلائٹ دوبارہ لینڈ کرائی آخر اس مطالبے کی وجہ کیا تھی۔
