پڑوسی ممالک بالخصوص پاکستان کے ساتھ تعلقات بھارت کی ترجیح ہے : سشما سوراج 

پڑوسی ممالک بالخصوص پاکستان کے ساتھ تعلقات بھارت کی ترجیح ہے : سشما سوراج 
پڑوسی ممالک بالخصوص پاکستان کے ساتھ تعلقات بھارت کی ترجیح ہے : سشما سوراج 

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

سرینگر(آن لائن) بھارتی وزیر خارجہ سشماسوراج نے کہا ہے کہ امن کا جواب امن سے ملے گا تو بات آگے بڑھے گی کیونکہ کشیدگی کے ماحول میں امن مذاکرات کامیاب نہیں ہوتے ہیں ۔ پڑوسی ممالک بالخصوص پاکستان کے ساتھ پرامن تعلقات کو حکومت کی پہلی ترجیح قرار دیتے ہوئے انہوں نے کہا کہ بھارت عالمی سطح پر امن اور ترقی کے لئے اپنا کردار ادا کرنے کے لئے تیار ہے۔

بھارتی خبررساں ادارے کے مطابق نئی دہلی میں ایک تقریب کے دوران صحافیوں سے بات کرتے ہوئے سرحدوں پر تازہ کشیدگی کو بات چیت کے لئے تباہ کن قرار دیتے ہوئے سشماسوراج نے سوالیہ انداز میں کہا کہ جب سرحدوں پر گولے گرتے ہوں تو میز پر نتیجہ خیز مذاکرات کی امید نہیں کی جا سکتی ہے،ہمیں مل کر دہشتگردی کے خلاف لڑنا ہو گا تاہم امن مذاکرات کے لئے ماحول تیار کیا جا سکے ۔ پاکستانی قیادت کے ساتھ بہتر تعلقات کو بھی اولین ترجیح قرار دیتے ہوئے انہوں نے کہا کہ ہم چاہتے ہیں کہ دونوں ممالک کے درمیان پرامن فضاء میں مذاکرات ہوں اور ان مذاکرات کے ذریعے ہم تصفیہ طلب مسائل کے نتائج تک پہنچ سکیں ۔ 

انہوں نے کہا کہ پڑوسی ممالک میں پاکستان کے ساتھ چین اور بنگلہ دیش بھی ہیں جن کے ساتھ تعلقات کو فروغ دینے کی ضرورت ہے ۔بھارت پاکستان کے ساتھ اچھے تعلقات کا خواہشمند ہے اور اس کو دیکھتے ہوئے دونوں ممالک کے درمیان مذاکراتی عمل کو جاری رکھنے کا فیصلہ لیا گیا ہے۔ انہوں نے کہا کہ بھارت نے پاکستان پر واضح کر دیا ہے کہ اس کی سرزمین سے بھارت مخالف دہشتگردی کو بند کرنا ہو گا ،سرحد پر دہشتگردی کا خاتمہ کرنے کے لئے پاکستان کو اقدامات اٹھانے ہی ہوں گے ۔

مزید : بین الاقوامی