کرونا وائرس کیخلاف چین کی پاکستان کو بروقت امداد، نیشنل کمانڈ اینڈ آپریشن سینٹر کی تعریف

کرونا وائرس کیخلاف چین کی پاکستان کو بروقت امداد، نیشنل کمانڈ اینڈ آپریشن ...

  

اسلام آباد(مانیٹرنگ ڈیسک) نیشنل کمانڈ اینڈ آپریشن سنٹر نے کروناوائرس کی وبا سے نمٹنے کیلئے چین کی طرف سے پاکستان کو بروقت امداد کی فراہمی کو سراہا ہے۔نیشنل کمانڈ اینڈ آپریشن سنٹر کی طرف سے جاری ایک بیان کے مطابق چین کے طبی ماہرین کی ٹیم نے پاکستان کا دورہ کیا اور مختلف شہروں میں طبی اور دوسرے حکام سے ملاقاتیں کیں جس کا مقصد موجودہ صورتحال سے نمٹنے کیلئے پاکستان کو مدد فراہم کرنا ہے۔کمانڈ سنٹر نے کہا کہ چین کی طرف سے پاکستان کو ہنگامی بنیادوں پر طبی آلات اور ادویات فراہم کی گئیں۔چین نے پانچ لاکھ 29 ہزار نوسو چوبیس این 95 ماسک فراہم کئے۔ دوسری امداد میں 33 ہزار سات چوالیس حفاظتی آلات اور دس ہزار ٹیسٹنگ کٹس شامل ہیں۔چینی امداد میں 15 لاکھ میڈیکل ماسک، 36 وینٹی لیٹرز،180 تھرما میٹر،100 تھرمل سیکنر،24 ہزار 900 دستانے اور 59 ہزار 376 حفاظتی عینکیں بھی شامل ہیں۔نیشنل کمانڈ اینڈ آپریشن سنٹر نے کہا کہ چین کی حکومت نے گلگت بلتستان میں کورونا وائرس پر قابو پانے کے لئے بھی خصوصی امداد فراہم کی ہے۔

امداد

مزید :

صفحہ اول -