پنجاب یونیورسٹی میں کرونا پر تحقیق کیلئے جدید لیبارٹری قائم کرنیکا فیصلہ

پنجاب یونیورسٹی میں کرونا پر تحقیق کیلئے جدید لیبارٹری قائم کرنیکا فیصلہ

  

لاہور (پ ر) عالمی وبا کورونا وائرس پر ہمہ جہتی تحقیق کے لئے پنجاب یونیورسٹی نے بائیو سیفٹی لیول تھری لیبارٹری قائم کرنے کے لئے اشتہار جاری کر دیا ہے۔ اپنے بیان میں وائس چانسلر پروفیسر نیاز احمد نے کہا ہے کہ یہ لیبارٹری سنٹر فار ایکسیلنس ان مالیکولر بائیولوجی میں جنگی بنیادوں پر قائم کی جائے گی۔ انہوں نے کہا کہ لیبارٹری میں کرونا وائرس کے مختلف عوامل پر سائنسدان تحقیق کریں گے اور لیبارٹری میں تحقیق کرنے والے سائنسدانوں کو تمام تکنیکی و حفاظتی سامان مہیا کیا جائے گا، ڈاکٹر نیاز احمدنے کہا لیبارٹری میں کرونا وائرس کے سدباب کے لئے سائنسدان محفوظ ماحول میں کام کریں گے اور انہیں جدید ترین آلات مہیا کئے جائیں گے۔

انہوں نے کہا کہ مناسب انجینئیرنگ کنٹرولز کی بدولت کرونا وائرس اور اس جیسے دیگر خطرناک وائرسز کے برتاو اور علاج پر تحقیقات ہوں گی، انہوں نے کہا کہ لیبارٹری میں کرونا وائرس سے متعلق کلینیکل، ڈائیگناسٹک،ٹیچنگ اور ریسرچ کی سہولیات بھی میسر ہوں گی، انہوں نے کہا کہ یہ لیبارٹری کرونا وائرس کے علاوہ بھی اس قسم کے خطرناک وائرسز پر تحقیق کے لئے مدد فراہم کرے گی۔ انہوں نے کہا کہ بی ایس ایل تھری لیول لیبارٹری دن رات محنت کر کے جنگی بنیادوں پر جلد از جلد آپریشنل کریں گے۔ کیمپ کی انچارج ڈاکٹر علینہ نے کہا ہے کہ یہ لیبارٹری ایک ٹریننگ سنٹر کا بھی بہترین ادارہ بنے گی جس میں لیبارٹری سٹاف کو ٹریننگ دی جائے۔ اور کرونا وائرس کے علاوہ دیگر خطرناک وائرسزپر بھی مستقبل میں تحقیق کی جائے گی۔

مزید :

میٹروپولیٹن 1 -