سابق کپتان شاہد آفریدی کا چھوٹی بیٹیوں سے اظہار محبت

سابق کپتان شاہد آفریدی کا چھوٹی بیٹیوں سے اظہار محبت

  

لاہور (سپورٹس رپورٹر) پاکستان کرکٹ ٹیم کے سابق کپتان شاہدآفریدی نے چھوٹی بیٹیوں اسمارہ اور نومولود عروہ کے ہمراہ تصویر شیئر کرتے ہوئے اپنی محبت کا اظہار کردیا۔ 40 سالہ آل راؤنڈر نے سماجی رابطے کی ویب سائٹ ٹوئٹر پر اسمارہ اور عروہ کے ہمراہ ایک تصویر شیئر کرتے ہوئے لکھا کہ ”عروہ اور اسمارہ جیسے فرستوں کے گرد ہونا میرے لیے خوش قسمتی کی بات ہے۔نہوں نے بتایا کہ اسمارہ عروہ کے جاگنے کا بے صبری سے انتظار کررہی تھی تاکہ وہ اس کو مسکراہٹ دے سکے۔شاہد آفریدی کا کہنا تھا کہ میری بیٹیوں کی محبت اور خوشی ہی میری صبح شام بلکہ پورا دن قابل قدر بناتی ہے، اللّہ انہیں خوش رکھے۔ اپنے سوشل میڈیا پیغام میں شاہد آفریدی نے مداحوں سے اپنے بچوں کی دیکھ بھال اور خیال رکھنے پر بھی زور دیا“۔واضح رہے کہ 14 فروری کو شاہد ا?فریدی کی جانب سے اپنی پانچویں بیٹی کی پیدائش کا اعلان کیا گیا تھا، شاہد آفریدی کی شادی نادیہ شاہد سے 2000ء میں ہوئی تھی، ان کی اس سے قبل چار بیٹیاں اقصیٰ، عنشہ، اجوا اور اسمارہ ہیں۔

مزید :

کھیل اور کھلاڑی -