مولانا منیب الرحمان کو چاند نظر نہیں آتا کرونا وائرس کہاں سے نظر آنا؟فواد

مولانا منیب الرحمان کو چاند نظر نہیں آتا کرونا وائرس کہاں سے نظر آنا؟فواد

  

اسلام آباد(مانیٹرنگ ڈیسک) وفاقی وزیر سائنس وٹیکنالوجی فواد چودھری نے کہا ہے کہ چوبیس اپریل کو رمضان کا چاند نظر آجائیگا، انشاء اللہ 25 اپریل کو پہلا روزہ ہوگا۔سماجی رابطوں کی ویب سائٹ ٹویٹر پر جاری اپنے بیان میں فواد چودھری کا کہنا تھا کہ مولانا منیب الرحمان ہمارے بزرگ ہیں، ان کا احترام ہے لیکن ان کو اتنا بڑا چاند نظر نہیں آتا، اتنا چھوٹا وکرونا وائرس کہاں سے نظر آنا ہے؟فواد چودھری نے اپنی ٹویٹ میں لکھا کہ وزارت مذہبی امور کی توجہ دلائی ہے کہ آپ کی وزارتی کمیٹی کے سربراہ اگر حکومتی احکامات کا یوں مذاق اڑائیں گے تو باقیوں سے کیا توقع ہے؟وفاقی وزیر نے کہا کہ جہاں تک رمضان کا تعلق ہے 24 اپریل کو رمضان کا چاند نظر آ جائیگا اور انشاء اللہ 25 اپریل کو پہلا روزہ ہوگا۔ پہلے ارادہ تھا کہ اس بار چاند دیکھنے کیلئے لوگوں کو اکٹھا کریں گے لیکن اب کورونا نے ہر اجتماع کینسل کرا دیا۔ انشاء اللہ اگلے سال موقع ملا تو چاند رات کی تقریبات کریں گے۔

فواد

مزید :

صفحہ اول -