’’ روک سکو تو روک لو، تبدیلی آئی رے‘‘ عمران خان کے سادگی کے اعلانات کے برعکس گورنر سندھ کے وی آئی پی پروٹوکول کی ویڈیو وائرل
کراچی (ڈیلی پاکستان آن لائن) وزیراعظم عمران خان اپوزیشن میں رہتے ہوئے پروٹوکول پر شدید تنقید کرتے رہے اور جب اقتدار سنبھالاتو بھی سادگی اپنانے اور قوم کے پیسے کی حفاظت کے اعلانات کرتےرہے، لیکن جب ایک طرف کورونا سے لڑائی میں معاونت کےلیے بیرون ملک موجود پاکستانیوں سےعطیات کی اپیلیں ہورہی ہیں تو وہیں دوسری طرف گورنر سندھ عمران اسماعیل کے دو درجن گاڑیوں کیساتھ پروٹوکول میں دورہ ٹھٹھہ کی ویڈیو وائرل ہوگئی ۔
سینئر صحافی مرتضیٰ علی شاہ نے گورنر سندھ کے پروٹوکول کی ویڈیو شیئرکرتے ہوئے لکھا ’’ گورنر سندھ عمران اسماعیل نے وی آئی پی پروٹوکول میں ٹھٹھہ کا دورہ کیا، کہاں ہے سادگی ? اور حکمران اوورسیز پاکستانیوں سے اپیل کرتے ہیں کہ کورونا ریلیف فنڈ میں عطیہ کریں تاکہ اس طرح کا لائف سٹائل مل سکے۔
Governor Sindh Imran Ismail visited Thatta in VIP protocol. Where’s austerity and simplicity? And then the rulers ask overseas Pakistanis to donate for #COVID Relief Fund to find this kind of lifestyle? pic.twitter.com/t5bBZHsktA
— Murtaza Ali Shah (@MurtazaViews) April 14, 2020
ایک اور صاحب نے وزیراعلیٰ سندھ مراد علی شاہ اور گورنر سندھ عمران اسماعیل کی ویڈیوز شیئرکیں، ایک ویڈیو میں مبینہ طورپر وزیراعلیٰ سندھ جارہے ہیں اوران کا قافلہ چار گاڑیوں پر مشتمل ہے جبکہ دوسری طرف گورنر کا پروٹوکول ہے جس میں 25 گاڑیاں شامل ہیں۔
See the difference real public servant CM Sindh @MuradAliShahPPP & Photo Mafia Governor Sindh Imran Ismail. #CoronaVirus pic.twitter.com/Zzp1GEmECj
— Javed Nayab Laghari (@JavedNLaghari) April 16, 2020
ایک اور صاحب نے لکھا کہ’ ایک طرف عوام کا حقیقی نمائندہ وزیراعلیٰ سندھ مراد علی شاہ جو بغیر کسی پروٹوکول کے گاڑی بھی خود چلارہے ہیں‘‘
ایک اور صاحب نے لکھا اور دعویٰ کیا کہ یہ اعلیٰ تعلیم یافتہ وزیراعلیٰ سندھ اور میٹرک پاس گورنر سندھ میں فرق ہے ۔