انسداد دہشتگردی کی عدالت نے جہانگیرترین سمیت دیگر پی ٹی آئی رہنماﺅں کی درخواست منظور کر لی
اسلام آباد(ڈیلی پاکستان آن لائن)وفاقی دارلحکومت کی انسدادِ دہشت گردی کی عدالت نے پی ٹی وی پارلیمنٹ حملہ کیس کی سماعت کے دوران جہانگیر ترین، پرویز خٹک، شاہ محمود قریشی، اسد عمر، شفقت محمود کی حاضری سے استثنیٰ کی درخواست منظور کر لی ہے ۔
تفصیلات کے مطابق اسلام آباد کی انسدادِ دہشت گردی کی عدالت کے جج راجہ جواد عباس نے کیس کی سماعت کی۔عدالت میں جہانگیر ترین، پرویز خٹک، شاہ محمود قریشی، اسد عمر، شفقت محمود سمیت دیگرکی حاضری سے استثنیٰ کی درخواستیں دائر کی گئیں۔عدالت نے ملزمان کی آج کی حاضری سے استثنیٰ کی درخواستیں منظور کر لیں۔
سرکاری وکیل کی عدم پیشی پر عدالت نے سماعت بغیر کارروائی کے 25 مئی تک ملتوی کر دی۔اسلام آباد کی انسدادِ دہشت گردی کی عدالت نے آئندہ سماعت پر پرویز خٹک اور عبدالعلیم کی جانب سے بریت کی درخواستوں پر دلائل دینے کا حکم بھی دیا۔