زمین سے 100 نوری سال کے فاصلے پر بچہ سیارہ دریافت

زمین سے 100 نوری سال کے فاصلے پر بچہ سیارہ دریافت
زمین سے 100 نوری سال کے فاصلے پر بچہ سیارہ دریافت

  

لندن (اے این این) ماہرین فلکیات نے کائنات میں موجود سیاروں اورستاروں کی تصاویر لینے والے جدید ترین کیمرے کی مدد سے زمین سے 100 نوری سال کے فاصلے پر بچہ سیارہ دریافت کیا ہے۔

برطانوی میڈیا کے مطابق خلا کی ہائی ریزولیشن تصاویر لینے والے والے آلے جیمنائی پلینٹ امیجر جسے مختصراً جی پی آئی کہا جاتا ہے ، کی مدد سے دریافت کئے گئے اس سیارے کو 51 ایریدانی بی کا نام دیا گیا ہے، یہ سیارہ زمین سے صرف 100 نوری سال کے فاصلے پر ہے۔

ماہرین فلکیات کا کہنا ہے کہ نظام شمسی سے باہراب تک جتنے بھی مشتری جیسی خاصیت کے حامل سیارے پائے گئے ہیں ان پر میتھین بہت معمولی مقدار میں پائی گئی تھی لیکن 51 ایریدانی بی میں میتھین کے ٹھوس اثرات موجود ہونے کے انتہائی ٹھوس شواہد پائے گئے ہیں۔

اس کے علاوہ جی پی آئی کے سپیکٹرومیٹرکی مدد سے نئے سیارے پرپانی کی موجودگی کا بھی پتہ چلایا گیا ہے۔سائنسدانوں کے مطابق 51 ایریدانی بی کی عمر صرف 2 کروڑ سال ہے اور حاصل ہونے والے شواہد سے اشارہ ملتا ہے کہ یہ سیارہ ہمارے نظام شمسی میں موجود سیاروں سے مشابہت رکھتا ہے اوردیوہیکل فلکیاتی اجسام کی پیدائش کے عمل کو سمجھنے میں اضافی معلومات مہیا کرسکتا ہے۔

مزید : سائنس اور ٹیکنالوجی