مرکزی بینک اقتصادی ترقی کو تیز نہیں کرسکتا
ریزرو بینک آف آسٹریلیا کے آئندہ ماہ سبکدوش ہونے والے گورنر گلین سٹیونز نے کہا ہے کہ انھیں عالمی برادری کے مالیاتی پالیسیوں پر انحصار پر گہرے تحفظات ہیں کیونکہ مرکزی بینک کسی بھی ملک کی اقتصادی ترقی کو تیز نہیں کرسکتا۔ عالمی اقتصادی بحران کے بعد دنیا بالخصوص ترقی یافتہ ملکوں کے مرکزی بینکوں نے اپنی مالیاتی پالیسیوں کو آسان بنایا تاکہ بڑی مقدار میں سرمایہ کاری کو ممکن بنا کر اقتصادی شرح نمو کو یقینی بنایا جاسکے اس کیلئے انھیں قرضوں پر سود کی شرح کو انتہائی کم اور اثاثوں کی خریداری بھی کرنی پڑی۔
