ہیپاٹائٹس کے 90ہزار مریضوں کو ادویات کی عدم فراہمی کیخلاف دائر درخواست ناقابل سماعت قرار

ہیپاٹائٹس کے 90ہزار مریضوں کو ادویات کی عدم فراہمی کیخلاف دائر درخواست ...

  



لاہور(نامہ نگارخصوصی)لاہور پائیکورٹ نے پنجاب حکومت کی جانب ہیپاٹائٹس کے 90ہزار مریضوں کو ادویات کی عدم فراہمی کے خلاف دائر درخواست ناقابل سماعت قرار دیتے ہوئے خارج کر دی۔جسٹس شاہد وحید نے شہری محمود اختر نقوی کی دائر درخواست ناقابل سماعت قرار دیتے ہوئے خارج کر دی، درخواست گزرا نے عدالت کوبتایا کہ حکومت پنجاب نے گزشتہ سال 90 ہزار ہیپاٹائٹس کے مریضوں کو گھر تک ادویات فراہم کرنے کا کہا مگر ابھی تک کسی بھی مریض کو ادویات فراہم نہیں کی جا سکیں ،درخواست گزار نے نشاندہی کی کہ 90ہزار لوگوں کی زندگیاں داؤ پر لگ گئی ہیں جس کے باعث جگر کا عارضہ بڑھ رہا ہے ،درخواست گزار نے عدالت کو آگاہ کیا کہ 40 ہزار مریضوں کی ادویات کی ڈرگ ٹیسٹنگ بھی مکمل نہیں کی گئی جبکہ 90 کڑوڑ سے خریدی گئی ادویات گودام کی زینت بنی ہوئی ہیں۔ عدالت سے استدعا کی گئی کہ عدالت ہیپاٹائٹس کے مریضوں کو ادویات کی فوری فراہمی کا حکم دے۔

مزید : علاقائی