مریم نواز کے اقامے کی تصویر بھی سامنے آگئی، دراصل اس میں کیا مذہب لکھا ہے؟ دیکھ کر ہر کسی کا منہ کھلا کا کھلا رہ گیا
لاہور (ڈیلی پاکستان آن لائن) سابق وزیر اعظم نواز شریف کی صاحبزادی مریم نواز کا بھی اقامہ سامنے آگیا ہے جس میں انہیں غیر مسلم خادمہ ظاہر کیا گیا ہے، مریم نواز نے خود سے منسوب اس اقامہ کو جعلی قرار دیا ہے۔
تفصیلات کے مطابق سوشل میڈیا پر مریم نواز سے منسوب ایک اقامہ گردش کر رہا ہے جس میں ان کے نام کے ساتھ والد اور شوہر کا نام بیک وقت لکھا گیا ہے، اقامہ میں مریم نواز کا نام ’مریم صفدر نواز شریف‘ درج ہے ۔ عربی زبان میں بنے ہوئے اس اقامہ میں مریم نواز کو غیر مسلم خادمہ ظاہر کیا گیا ہے اور یہ سعودی عرب کا اقامہ ہے۔دوسری جانب مریم نواز نے اس اقامہ کو جعلی قرار دیا ہے۔
FAKE ! pic.twitter.com/0fK4lpA5IO
— Maryam Nawaz Sharif (@MaryamNSharif) August 15, 2017
پاکستان پیپلز پارٹی کے رہنما نبیل گبول نے ایک ٹی وی پروگرام کے دوران مریم نواز کے اقامے کا معاملہ اٹھایا تھا جس کے بعد سوشل میڈیا پر مریم نواز کا اقامہ بھی سامنے آگیا۔خیال رہے کہ مریم نواز کے اقامے کی آزاد ذرائع سے درست یا جعلی ہونے کی تصدیق نہیں ہوسکی ہے۔
واضح رہے کہ سابق وزیر اعظم نواز شریف پاناما کیس میں اقامہ نکلنے پر ہی نا اہل قرار پائے تھے ،ان کی نا اہلی کے بعد خالی ہونے والی نشست پر ان کی اہلیہ بیگم کلثوم نواز ضمنی انتخاب لڑیں گی۔ کلثوم نواز کے پاس بھی اقامہ رہا ہے جس کی تفصیلات انہوں نے الیکشن کمیشن آف پاکستان میں جمع کرا دی ہیں۔ علاوہ ازیں خواجہ آصف، وزیر داخلہ سندھ سہیل انور سیال اور وزیر اعلیٰ سندھ مراد علی شاہ سے منسوب اقامے بھی منظر عام پر آ چکے ہیں۔