ایشیا ءکپ، پاک بھارت میچ کے ٹکٹ ابھی سے بلیک ہونے لگے، ایک ٹکٹ کی قیمت 5500 درہم تک پہنچ گئی

ایشیا ءکپ، پاک بھارت میچ کے ٹکٹ ابھی سے بلیک ہونے لگے، ایک ٹکٹ کی قیمت 5500 درہم ...
ایشیا ءکپ، پاک بھارت میچ کے ٹکٹ ابھی سے بلیک ہونے لگے، ایک ٹکٹ کی قیمت 5500 درہم تک پہنچ گئی
سورس: File

  

دبئی (ڈیلی پاکستان آن لائن) ایشیاء کپ میں  پاکستان اور بھارت کے میچ کی ٹکٹیں بلیک میں فروخت ہونے لگیں ، بڑے مقابلے کی ایک ٹکٹ کیلئے 5500 درہم (تقریباً سوا تین لاکھ روپے) تک کا مطالبہ کیا جا رہا ہے۔

"خلیج ٹائمز "کےمطابق پاک بھارت میچ کے ٹکٹ گزشتہ روز فروخت کیلئے پیش کیے گئے تھے جو صرف 3 گھنٹوں میں ہی ختم ہوگئے۔ اس کے بعد کچھ لوگوں نے ٹکٹوں کو بلیک میں فروخت کرنا شروع کردیا۔ ہاسپٹیلٹی کیٹگری کی ٹکٹ جس کی اصل قیمت 2500 درہم تھی اس  کو بلیک میں 5500 درہم  میں فروخت کیلئے پیش کیا گیا ہے۔ اسی جنرل اینٹری ٹکٹ کی اصل قیمت 250 درہم تھی لیکن یہ 700 درہم تک فروخت ہو رہی ہے۔

ایشیا ءکپ کے ٹکٹنگ پارٹنر پلاٹینم کی جانب سے لوگوں کو وارننگ دی گئی ہے کہ جو بھی ٹکٹ دوبارہ فروخت کی جا ئے گی وہ خود  کار طریقے سے منسوخ کردی جائے گی کیونکہ ٹکٹ خرید کر اسے دوبارہ فروخت کرنا اماراتی قوانین کی خلاف ورزی ہے۔

مزید :

کھیل -