حکومت فاٹا کے عوام کی امنگوں کے مطابق اقدامات کرے

حکومت فاٹا کے عوام کی امنگوں کے مطابق اقدامات کرے

لاہور(نمائندہ خصوصی) پیپلز پارٹی لاہور کے صدر عزیز الرحمن چن نے کہا ہے کہ حکومت فاٹا کی عوام کی امنگوں کے مطابق اقدامات کرے اگر فاٹا کے عوام پاکستان سے انضمام چاہتے ہیں تو چند لوگوں کی خوشنودی کے لئے وہاں کی عوام کے حقوق سلب کرنے سے گریز کیا جائے۔ ایک بیان میں انہوں نے کہا کہ حکومت فاٹا اصلاحات بل پر عمل درآمد کے حوالے سے سنجیدہ نہیں ہے، 70 سال ہو چکے ہیں اور اب ہمیں فاٹا کے مسائل کو حل کرنا ہو گا۔ موجودہ علاقائی اور بین الاقوامی حالات کو مدِ نظر رکھتے ہوئے ضروری ہے کہ فاٹا میں اصلاحات کے عمل کو انتہائی شفافیت اور مقامی قبائل کے ساتھ مشاورت سے آگے بڑھایا جائے۔ حکومت ان اصلاحات اور فاٹا کے خیبر پختونخوا میں ضم کئے جانے سے متعلق توقعات اور تحفظات کو مدِ نظر رکھے تاکہ فاٹا میں کی جانے والی اصلاحات ملکی ترقی اور سلامتی کی ضامن ہوں اور پاکستان کی دشمن قوتیں ان معمولی اختلافات کو اپنے مذموم عزائم کے لئے استعمال نہ کرسکیں۔

عزیز الرحمن چن

مزید : میٹروپولیٹن 1


loading...