ڈاکٹر عاصم کیس کے شریک ملزم کی بیرون ملک جانے کی درخواست، نیب کونوٹس جاری

ڈاکٹر عاصم کیس کے شریک ملزم کی بیرون ملک جانے کی درخواست، نیب کونوٹس جاری

کراچی (این این آئی)سندھ ہائی کورٹ نے ڈاکٹر عاصم حسین کے خلاف 17 ارب روپے کرپشن ریفرنس کے شریک ملزم ظہیر صدیقی کی بیرون ملک جانے کی درخواست پر نیب حکام کو نوٹس جاری کرتے ہوئے سماعت 22دسمبرتک ملتوی کردی ۔جمعہ کوسندھ ہائی کورٹ میں جاری سماعت کے دوران 2 رکنی بینچ کے روبرو ملزم ظہیر صدیقی نے موقف اختیار کیا کہ خاندانی مصروفیات کے لیے لندن جانے کی اجازت دی جائے۔درخواست گزار کے وکیل نے دوران سماعت کہاکہ کیس کے شریک ملزم ڈاکٹر عاصم بھی بیرون ملک عدالت سے اجازت لے کر گئے ہیں۔دوران سماعت چیف جسٹس ایم احمدعلی شیخ نے ریمارکس دیئے کہ سپریم کورٹ نے ڈاکٹر عاصم کو الگ گراؤنڈ پر بیرون ملک جانے کی اجازت دی ہے۔عدالت نے درخواست پر نیب حکام کو نوٹس جاری کرتے ہوئے سماعت 22 دسمبر تک ملتوی کردی۔

مزید : علاقائی


loading...