ڈالر کی قدر میں پھر 20 پیسے کا اضافہ، 110 روپے 30 پیسے کا ہوگیا
کراچی(صباح نیوز)ڈالر ایک بار پھر اڑان بھرنے لگا۔ دو دن نیچے رہنے کے بعد ڈالر 20پیسے مہنگا ہونے کے بعد انٹربینک مارکیٹ میں 110روپے 30پیسے کا ہوگیا۔مارکیٹ کے آغاز پر ہی بینکوں کے درمیان ڈالر کی لین دین میں ڈالر کی قدر 20پیسے اضافے سے 110روپے 30پیسے ہوگئی۔ دوسری جانب عالمی مالیاتی ادارے کا کہنا ہے کہ روپے کی قدر میں کمی آئی ایم ایف کے دباؤ کا نتیجہ نہیں ہے، البتہ ادارہ ڈالر کے مقابلے میں روپے کی قدر میں کمی کا خیر مقدم کرتا ہے، کیونکہ آزادانہ ایکسچینج ریٹ معاشی ترقی اور ایکسپورٹ بڑھانے کے ساتھ ساتھ ادائیگیوں کے چیلنج سے نمٹنے میں مدد گار ثابت ہوگا۔