عراق میں داعش کے 38 جنگجوﺅں کو پھانسی دیدی گئی

عراق میں داعش کے 38 جنگجوﺅں کو پھانسی دیدی گئی
عراق میں داعش کے 38 جنگجوﺅں کو پھانسی دیدی گئی

  


بغداد(ویب ڈیسک ) عراقی حکومت نے داعش سے تعلق رکھنے والے 38 جنگجوﺅں کوپھانسی دے دی ہے۔

غیر ملکی خبر رساں ایجنسی رائٹر کے مطابق عراقی وزارت انصاف نے اپنے بیان میں کہا کہ ان تمام دہشت گردوں کو ناصریہ شہر کی جیل میں پھانسی دی گئی، ان قیدیوں پر عدالت کی جانب سے دہشت گردی کے الزامات ثابت ہوچکے تھے اور بعد ازاں قانونی کارروائی کے بعد انہیں سزائے موت کا حکم سنایاگیا۔

وزارت انصاف نے مزید کہا کہ پھانسی پانے والے تمام مجرموں کا تعلق داعش سے تھا، مجرموں کی جانب سے سزا کے خلاف دائر کی گئیں تمام اپیلیں مسترد کردی گئی تھیں۔

راولپنڈی سے لاہور آنے والی خیبر میل کی 3 بوگیاں پٹڑی سے اتر گئیں ، مسافر محفوظ رہے

خیال رہے کہ 24 ستمبر کو بھی عراقی حکومت نے 42 ملزمان کو دہشت گردی اور دیگر سنگین جرائم پر پھانسی پر لٹکادیا تھا ان میں سیکیورٹی اہلکاروں پر حملے کرنے والے مجرمان بھی شامل تھے جب کہ چند روز قبل عراق کے وزیر اعظم حیدر العبادی نے پریس بریفنگ کے دوران اعلان کیا تھا کہ ہم نے ان تمام علاقوں کا کنٹرول واپس حاصل کرلیا ہے جن پر داعش نے قبضہ جمالیا تھا، شام کی سرحد سے متصل پورے علاقے پر ہماری افواج کا کنٹرول ہے اس لیے اب وہ گزشتہ 3 برس سے جاری اس جنگ کے خاتمے کا اعلان کرتے ہیں۔

مزید : بین الاقوامی


loading...