”ہیلتھ ورکرز کامورال اپ کررہا تھا “، پی آئی سی تنازع کا باعث ڈاکٹر کی انو کھی منطق
لاہور (ڈیلی پاکستان آن لائن) وکلااورڈاکٹر ز میں تنازع کاباعث بننے والے ڈاکٹرمحمد عرفان نے کہا ہے کہ ہیلتھ ورکرز اور پیرا میڈیکل سٹاف کامورال اپ کرنے کیلئے تقریر کی ۔
دنیا نیوز کے پروگرام ”آن دا فرنٹ“میں گفتگوکرتے ہوئے ڈاکٹر محمد عرفان نے کہا کہ میں نے ہیلتھ ورکرزکے مورال کو ہائی کرنے کیلئے کہ ہم آپ کے ساتھ ہیں ، یہ تقریر کی تھی کیونکہ ہیلتھ ورکرزاور پیرامیڈیکل سٹاف کامورال بہت ڈاﺅن تھا ، میری تقریر سے پہلے آﺅٹ ڈور 15روز سے بند تھا۔میری تقریر صلح سے پہلے آئی تھی۔ میں سیاستدان نہیں ہوں بلکہ ایک پیشہ وارانہ ڈاکٹر ہوں۔ میں نے جوتقاریرکی تھیں ، وہ ہسپتالوں کی نج کاری کیخلا ف تھیں۔
ڈاکٹر محمد عرفان کا کہناتھا کہ ہماراالمیہ ہوگیاہے کہ ہم بلیک ربن باندھ کر احتجاج کرتے ہیں لیکن کوئی ہم سے بات نہیں کرتا ، ہم نے تین مرتبہ پنجاب اسمبلی کے باہر جاکر احتجاج کرنے کی کال دی لیکن جب ہم کال دیتے تھے تو پنجاب اسمبلی کا اجلاس ملتوی کردیا جاتا تھا ۔