درگاہ کے احاطے سےزخمیوں اور لاشوں کو باہر منتقل کر دیا گیا ،سیکیورٹی انتظامات رینجرز کے حوالے،سپیشل ہیلی کاپٹر اور سی ون تھرٹی بھی پہنچ گیا
کراچی(ڈیلی پاکستان آن لائن)حضرت لعل شہباز قلندر کی درگاہ کے احاطے میں موجود زخمیوں اور لاشوں کو باہر منتقل کردیا گیا ہے،سیکیورٹی انتظامات رینجرز کے حوالے،رات کو اڑنے والا سپیشل ہیلی کاپٹر اور سی ون تھرٹی طیارہ بھی سیہون پہنچ گیا ہے۔
جیو نیوز کے مطابق حضرت لعل شہباز قلندر کی درگاہ کے احاطے میں موجود زخمیوں اور لاشوں کو باہر منتقل کردیا گیا ہے اور مزار کے ارد گرد سیکیورٹی کے تمام تر انتظامات رینجرز نے سنبھال لیے ہیں۔
ذرائع کا کہنا ہے کو پاک فوج کا رات کو اڑنے والا سپیشل ہیلی کاپٹر اور پاک فضائیہ کا سی ون تھرٹی طیارہ بھی جائے وقوعہ پر پہنچ گیا ہے جس کے ذریعے زخمیوں کو قریبی اضلاع کے ہسپتالوں میں منتقل کیا جارہا ہے۔دوسری طرف کراچی میں نیو ی کے تمام ہسپتالوں میں بھی ایمرجنسی نافذ کردی گئی ہے،ہیلی کاپٹر کے ذریعے لائے جانے والے زخمیوں کو نیوی کے ہسپتالوں میں فوری طبی امداد دی جائے گی۔
