”چیئرمین نیب اپنے ادارے میں یہ شرمناک کام کرنے والوں کے خلاف ایکشن لیں “ وزیر اعظم عمران خان نے مطالبہ کردیا

”چیئرمین نیب اپنے ادارے میں یہ شرمناک کام کرنے والوں کے خلاف ایکشن لیں “ ...
”چیئرمین نیب اپنے ادارے میں یہ شرمناک کام کرنے والوں کے خلاف ایکشن لیں “ وزیر اعظم عمران خان نے مطالبہ کردیا

  


اسلام آباد (ڈیلی پاکستان آن لائن) وزیر اعظم عمران خان نے ڈاکٹر عبدالصمد کو ہتھکڑیاں لگانے والے نیب اہلکاروں کے خلاف کارروائی کا مطالبہ کیا ہے۔

وزیر اعظم عمران خان نے ایک ٹویٹ کا سکرین شارٹ شیئر کیا جس میں بتایا گیا ہے کہ کیسے ایشیا میں سنسکرت زبان کے واحد پی ایچ ڈی ڈاکٹر عبدالصمد کو ہتھکڑیاں لگا کر عدالت میں پیش کیا گیا۔ وزیر اعظم عمران خان نے اس پر تبصرہ کرتے ہوئے کہا کہ ” چیئرمین نیب کو اپنے ادارے میں ایسی شرمناک حرکت کے ذمہ دار عناصر کے خلاف کارروائی کرنی چاہیے“۔

خیال رہے کہ نیب نے ماہر آثار قدیمہ ڈاکٹر عبدالصمد کو درجہ چہارم کے ملازمین کی بھرتیوں کے معاملے پر حراست میں لے رکھا ہے۔ انہیں احتساب عدالت میں ہتھکڑیوں میں پیش کیا گیا تھا جس پر سوشل میڈیا پر بھی نیب کو تنقید کا سامنا ہے۔

نیب کی جانب سے جس ڈاکٹرعبدالصمد کو ہتھکڑیاں لگا کر عدالت میں پیش کیا گیا ہے وہ سنسکرت زبان میں پی ایچ ڈی کرنے والی ایشیا کی اکلوتی شخصیت ہیں۔ انہوں نے جرمنی کی یونیورسٹی سے صرف 28 برس کی عمر میں سکالر شپ پر پی ایچ ڈی کی ڈگری حاصل کی جبکہ صدر پاکستان ان کی خدمات کے عوض انہیں پرائڈ آف پرفارمنس سے بھی نواز چکے ہیں۔ وہ خیبر پختونخوا کے محکمہ آثار قدیمہ کے سربراہ ہیں اور انتہائی مختصر عرصے میں چترال سمیت دیگر علاقوں سے متعدد مقامات سے آثار قدیمہ کی تلاش کرچکے ہیں۔

مزید : Breaking News /اہم خبریں /قومی


loading...