سانحہ ساہیوال ، فائرنگ کا حکم دینے والے کو بچانے کیلئے وائس ریکارڈ کی ڈسک تبدیل کرنے کا انکشاف
لاہور(مانیٹرنگ ڈیسک ، نیوز ایجنسیاں)سانحہ ساہیوال سے متعلق فرانزک ایجنسی نے حتمی رپورٹ متعلقہ حکام کو بھیج دی ہے جس میں ڈیجیٹل وائس ریکارڈر کی ڈسک تبدیل کرنے کا انکشاف ہوا ہے۔سانحہ ساہیوال میں فرانزک ایجنسی نے حتمی رپورٹ متعلقہ حکام کو بھیج دی ہے جس میں آواز کی ریکارڈنگ کے ثبوت تبدیل کرنے کا انکشاف ہوا ہے، ذرائع کے مطابق گولیاں سی ٹی ڈی اہلکاروں نے چلائیں، جو ایس ایم جی رائفلیں بھیجی گئیں وہ بھی تبدیل تھیں، فرانزک سائنس ایجنسی کا کہنا ہے کہ تمام افسران کا پولی گرافک ٹیسٹ ہونا چاہیے تا کہ اصل حقائق سامنے آ سکیں۔ذرائع کے مطابق فرانزک ایجنسی کی رپورٹ میں کہا گیا ہے کہ جو ڈیجیٹل وائس ریکارڈر کی ڈسک بھیجی گئی وہ تبدیل کی گئی، اگر اصلی ڈسک آتی تو معلوم ہو جاتا گولی چلانے کا آڑدر کس نے دیا، کار میں لگی ایک گولی سی ٹی ڈی اہلکار کی بندوق سے چلائی گئی۔دوسری جانب ساہیوال کی جے آئی ٹی نے ذیشان کے بھائی احتشام اور گواہان کے بیانات قلمبند کرنے کا فیصلہ کیا ہے، جے آئی ٹی نے احتشام اور گواہان کو آج دوپہر پولیس کلب میں طلب کرلیا۔
فرانزک ایجنسی
