عمران خان کیخلاف سینٹ ٹکٹ بیچنے پران کی پارٹی نے بغاوت کردی: مریم اور نگزیب
اسلام آباد (آن لائن) پاکستان مسلم لیگ (ن) کی ترجمان مریم اورنگزیب نے کہا ہے کہ عمران خان کیخلاف سینٹ ٹکٹ بیچنے پر ان کی اپنی جماعت نے بغاوت کردی ہے،پارٹی کی بغاوت نے عمران خان کے اوپن بیلٹ کے شوشے کی قلعی کھول دی ہے،قوم کو پتہ چل گیا ہے کہ اوپن بیلٹ کا شور عمران صاحب اپنی پارٹی کو بلیک میل کرنے کیلئے کررہے تھے۔اپنے بیان میں انہوں نے کہاکہ دو ہفتے سے عمران صاحب اوپن بیلٹ کا شور مچا کر ہلکان ہورہے تھے، اب پتہ چلا کہ پارٹی نے بغاوت کردی ہے،عمران خان نے دوسروں پر ووٹ کی خریدوفروخت کا الزام لگایا اور اپنا ویڈیو سکینڈل پکڑا گیا۔انہوں نے کہاکہ عمران صاحب نے دوسروں پر الزام لگایا اور خود آٹا چینی دوائی چوری میں پکڑے گئے،عمران صاحب نے دوسروں پہ الزام لگایا خود گیس بجلی اور ایل این جی چوری میں پکڑے گئے۔انہوں نے کہاکہ دوسروں پر منی لانڈرنگ اور چوری کا الزام لگایا اور عمران صاحب خود فارن فنڈنگ کیس میں رنگے ہاتھوں پکڑے گئے۔ انہوں نے کہاکہ دوسروں کے خلاف کرپشن کا شور مچانے والے عمران صاحب کی چوری ٹرانسپرنسی انٹرنیشنل نے پکڑ لی،عمران صاحب جس چیز کا شور کرتے ہیں اور نوٹس لیتے ہی اسی میں خود چور نکلتے ہیں۔
مریم اور نگزیب