وزیراعلی سندھ کیخلاف اپوزیشن لیڈر حلیم عادل شیخ کا الیکشن کمیشن کو خط
کراچی(آئی این پی) سندھ اسمبلی میں اپوزیشن لیڈ ر حلیم عادل شیخ نے وزیراعلی سندھ مراد علی شاہ کیخلاف الیکشن کمیشن کو خط لکھ دیا جس میں وزیر اعلی سندھ کو صوبائی اسمبلی کی نشست سے نااہل قرار دینے کا مطالبہ کیا گیا ہے۔ تفصیلات کے مطابق وزیراعلی سندھ مراد علی شاہ کیخلاف اپوزیشن لیڈر حلیم عادل شیخ نے الیکشن کمیشن کو خط لکھ دیا، خط موقف اختیار کیا گیا کہ چودہ فروری کو وزیر اعلی نے سینیٹ میں سندھ سے ووٹوں سے زیادہ دس نشستیں حاصل کرنے کا بیان دیا۔ حلیم عادل شیخ نے کہا کہ وزیر اعلی سندھ نے ایسا بیان دے کر الیکشن رولز کی خلاف ورزی کی۔ ووٹوں سے زیادہ سیٹیں حاصل کرنے کا بیان دے کر وزیر اعلی نے ثابت کیا کہ وہ کرپٹ پریکٹس میں ملوث ہیں۔حلیم عادل شیخ نے مزید کہا ہے کہ وزیر اعلی سندھ کے بیان کو سپریم کورٹ میں بطور ثبوت پیش کیا جائے گا۔ خط میں حلیم عادل شیخ نے الیکشن کمیشن سے وزیر اعلی سندھ کو صوبائی اسمبلی کی نشست سے نااہل قرار دینے کا مطالبہ بھی کیا۔
حلیم عادل