ایل ڈی اے سٹی نیا پاکستان اپارٹمنٹس میں فلیٹوں کی الاٹمنٹ کے طریقہ کار کی منظوری 

      ایل ڈی اے سٹی نیا پاکستان اپارٹمنٹس میں فلیٹوں کی الاٹمنٹ کے طریقہ کار ...

  

 لاہور(جنرل رپورٹر) وزیراعلیٰ پنجاب سردار عثمان بزدار کی زیر صدارت صوبائی کابینہ کا 41واں اجلاس منعقد ہوا - پنجاب کابینہ کا اجلاس تین گھنٹے سے زائد جاری رہا -اجلاس میں ڈویلپمنٹ اتھارٹیز ایکٹ 2014 کے مینجمنٹ اینڈ ٹرانسفر آف پراپرٹیز کے سیکشن 19کے تحت ایل ڈی اے سٹی نیا پاکستان اپارٹمنٹس میں فلیٹوں کی الاٹمنٹ کے طریقہ کار کی منظوری دی گئی- کابینہ نے ایل ڈی اے کو اپارٹمنٹس کے لئے بینک آف پنجاب کے ساتھ معاہدے کی منظوری دی-پہلے مرحلے میں ایل ڈی اے سٹی میں 4000 اپارٹمنٹس بنائے جائیں گے اور ایک فلیٹ کی قیمت تقریبا 27 لاکھ روپے تک ہو گی -اپارٹمنٹس میں 50 فیصد کوٹہ عوام کے لئے ہو گا -20 فیصد کوٹہ صوبائی ملازمین، 20 فیصد کوٹہ ایل ڈی اے ملازمین اور 10 فیصد کوٹہ وفاقی ملازمین کیلئے مختص ہو گا-وزیر اعلی عثمان بزدار نے صحافی ا ور وکلاء برادری کیلئے بھی کوٹہ مختص کرنے کی ہدایت کرتے ہوئے کہا کہ صحافی اور وکلاء برادری کے لئے خصوصی کوٹہ مقرر کرنے کا جائزہ لیا جائے -اجلاس میں سول سیکرٹریٹ میں کام کرنے والے چھوٹے ملازمین کو اپ گریڈ کرنے کا فیصلہ کیا گیا -کابینہ نے ڈرائیورز، آٹو الیکٹریشنز، مکینکس اور ڈسپیچ رائیڈرزکو اگلے گریڈ میں ترقی دینے کی منظوری دے دی-اس فیصلے سے11 ہزار سے زائد چھوٹے ملازمین مستفید ہوں گے-اجلاس میں ملتان میں پرانی غلہ منڈی گودام کی جگہ 200بستروں پر مشتمل مدر اینڈ چائلڈ ہسپتال کے قیام کی باقاعدہ منظوری دی گئی-ہسپتال کے قیام کے لئے 500 ملین روپے کے فنڈز کے اجراء کی بھی منظوری دی گئی - اجلاس میں پنجاب میں 2 مزید سیمنٹ پلانٹ لگانے کی منظوری دی گئی -نئے سیمنٹ پلانٹ ڈیرہ غازی خان اور میانوالی میں لگائے جائیں گے -نئے سیمنٹ پلانٹس لگنے سے اربوں روپے کی نئی سرمایہ کاری ہو گی اور روزگار کے نئے مواقع پیدا ہوں گے-وزیر اعلی عثمان بزدار نے دیگر سیمنٹ پلانٹس کے این او سیز کے اجراء کے عمل کو مزید تیز کرنے کی ہدایت کی- اجلاس میں محکمہ بہبود آبادی میں کام کرنے والے ڈاکٹرز کوبھی خصوصی الاؤنس دینے کا فیصلہ کیا گیا -کابینہ نے محکمہ بہبود آبادی کے ڈاکٹرز کو ہیلتھ پروفیشنل اینڈ سپیشل ہیلتھ کیئر الاؤنس دینے کی منظوری دے دی-اجلاس میں پنجاب یں کچی آبادیوں کو ریگولر کرنے کی سکیم پر نظر ثانی کیلئے اعلی سطح کی کمیٹی تشکیل دی -کمیٹی کچی آبادیوں سے متعلقہ امور کا جائزہ لیکر حتمی سفارشات پیش کرے گی-اجلاس میں محکمہ قانون کو دی پنجاب کنسولیڈیشن آف ہولڈنگز آرڈیننس 1960 سے متعلقہ امور کا جائزہ لینے کی ہدایت کی - محکمہ قانون اشتمال کے عمل کو جلد از جلد مکمل کرنے کے حوالے سے سفارشات پیش کرے گا- پنجاب کابینہ نے صوبائی ڈرگ مانیٹرنگ ٹیم کے قیام اور پنجاب ہیپاٹائٹس رولز کے مسودے کی منظوری دی-اجلاس میں پنجاب میوزیم ایکٹ 2021کے مسودے اورپاکستان ٹریول ایجنسی ایکٹ 1976 میں ترامیم کی منظوری دی گئی- اجلاس میں سرکاری یونیورسٹیوں میں رجسٹرار اور کنٹرولر آف ایگزمینیشن کے عہدوں کے لئے قواعد وضوابط(ٹرمز اینڈ کنڈیشنز) کی منظوری دی گئی- اجلاس میں پنجاب پولیس ڈیپارٹمنٹ رولز 2017 میں ترمیم کی منظوری دی گئی- اس ترمیم سے سٹینوگرافرز اہلیت کا معیار میں تبدیلی کی جا سکے گی-اجلاس میں پرائیویٹ وائلڈ لائف بریڈنگ فارمز کی رجسٹریشن اور تجدید کی فیس میں اضافے کا فیصلہ کیا گیا -کابینہ نے رجسٹریشن اور تجدید کی فیس میں اضافے کی منظوری دی - اجلاس میں فاریسٹ ایکٹ میں ترمیم اورپنجاب اربن اینڈ پیری اربن فاریسٹ پالیسی 2020 کی منظوری دی گئی - کابینہ نے انفراسٹرکچر ڈویلپمنٹ اتھارٹی پنجاب کو اسلام آباد میں ترقیاتی منصوبوں پر فاسٹ ٹریک سے عملدرآمد کے لئے کام کرنے کی اجازت دی-کابینہ نے ایم آئی ٹی ایکٹ کو میوہسپتال اور کنگ ایڈورڈ میڈیکل کالج میں نافذ کرنے کی منظوری دی - اجلاس میں دی پنجاب میڈیکل ٹیچنگ انسٹی ٹیوشنز (ریفارمز)ترمیمی ایکٹ 2020 میں ترمیم کی منظوری دی گئی- پنجاب کابینہ نے ملتان جمخانہ کیلئے سرکاری اراضی لیز پر دینے کا جائزہ لینے کے حوالے سے کمیٹی تشکیل دی-کمیٹی ملتان جمخانہ کے قیام کے لئے سرکاری اراضی دینے کے امور کے حوالے سے حتمی سفارشات پیش کرے گی- اجلاس میں پنجاب کابینہ کو محکمہ زراعت کی کارکردگی کے بارے میں بریفنگ دی گئی - اجلاس میں زرعی شعبہ کی ترقی اور کسانوں کو زیادہ سے زیادہ سہولتیں فراہم کرنے کے لئے وزارتی کمیٹی تشکیل دی گئی ہے -کمیٹی میں زرعی ماہرین بھی شامل ہوں گے -کمیٹی پنجاب کابینہ کو حتمی سفارشات پیش کرے گی- اجلاس میں پنجاب کابینہ کے 40ویں اجلاس کی کارروائی کی توثیق کی گئی- اجلاس میں کابینہ سٹینڈنگ کمیٹی برائے فنانس اینڈ ڈویلپمنٹ کے 48ویں،49ویں اور50 ویں اجلاسوں اورکابینہ سٹینڈنگ کمیٹی برائے قانونی امور کے 44ویں، 45ویں،46ویں اور 47ویں اجلاسوں کے فیصلوں کی توثیق کی گئی-اجلاس میں صوبائی وزیر نعمان لنگڑیال کے والد ملک اقبال احمد لنگڑیال کے انتقال پر فاتحہ خوانی کی گئی -صوبائی وزراء، مشیران، معاونین خصوصی، چیف سیکرٹری اور اعلی حکام نے اجلاس میں شرکت کی-

لاہور(جنرل رپورٹر) وزیراعلیٰ پنجاب سردار عثمان بزدار سے متحدہ عرب امارات کے سفیر حماد عبید ابراہیم سلیم الزیبی نے ملاقات کی،جس میں باہمی دلچسپی کے امور،دو طرفہ تعلقات بڑھانے اورمختلف شعبوں میں تعاون کو فروغ دینے پر تبادلہ خیال کیا گیا- ملاقات میں باہمی تعلقات کو مزید مستحکم کرنے اور مختلف شعبوں میں سرمایہ کاری کو فروغ دینے پر اتفاق کیا گیا-متحدہ عرب امارات نے تعمیراتی شعبے اور ہیلتھ سیکٹر میں سرمایہ کاری میں دلچسپی کا اظہار کیا گیا- وزیر اعلی عتمان بزدار نے اس موقع پر گفتگو کرتے ہوئے کہا کہ پاکستان ا ور متحدہ عرب امارات کے مابین تاریخی برادرانہ تعلقات موجود ہیں -وزیراعلیٰ عثمان بزدار نے متحدہ عرب امارات کے سرمایہ کاروں کو سپیشل اکنامک زونز میں سرمایہ کاری کی دعوت دیتے ہوئے کہا کہ متحدہ عرب امارات کے سرمایہ کار ریور راوی اربن فرنٹ اور والٹن بزنس حب کے منصوبوں میں سرمایہ کیلئے آگے آئیں - لاہور میں سرمایہ کاری کے فروغ کے لئے نئے منصوبے شروع کئے ہیں -والٹن بزنس حب کے پراجیکٹ میں غیر ملکی سرمایہ کاروں کے لئے وسیع مواقع موجود ہیں - قذافی سٹیڈیم کے پاس فائیو سٹار ہوٹل بنانے پر کام ہو رہا ہے اور آئندہ سے غیر ملکی ٹیموں کو اسی ہوٹل میں ٹھہرانے کی پلاننگ کی گئی ہے -سٹیڈیم اور ہوٹل کو ملانے کے لئے انڈر گراؤنڈ یا اوور ہیڈ برج بھی بنایا جائے گا-

ملاقات

مزید :

صفحہ اول -