سکرنڈ: گرفتار ملزم پولیس حراست میں جاں بحق، افسران کیخلاف مقدمہ درج

سکرنڈ(ڈیلی پاکستان آن لائن )سکرنڈ میں ڈکیتی کے الزام میں گرفتار ملزم پولیس کی حراست میں جاں بحق ہوگیا جس کا مقدمہ پولیس افسران اور اہلکاروں کے خلاف درج کرلیا گیا ہے۔ 
نجی ٹی وی جیو نیوز کے مطابق سکرنڈ میں ڈکیتی کے الزام میں گرفتار ملزم پولیس کی حراست میں جاں بحق ہوگیا جس پر وزیر جیل سندھ علی حسن زرداری نے نوٹس لیا۔ 
وزیر جیل کے نوٹس کے بعد تھانہ سکرنڈ کے ایس ایچ او، ہیڈ محرر اور پولیس اہلکار کو حراست میں لیا گیا اور بعد ازاں مقدمہ بھی درج کیا گیا۔ 
پولیس حکام کا بتانا ہے کہ مقدمے میں ڈی ایس پی،ایس ایچ او سکرنڈ، ہیڈ محرر سمیت 3 پولیس اہلکاروں کو نامزد کیا گیا۔ 
پولیس کے مطابق مقدمے کے بعد ڈی ایس پی سکرنڈ فرار ہیں جبکہ ایس ایچ او، ہیڈ محرر اور ایک پولیس اہلکار گرفتار ہیں۔