پاک بھارت ٹاکرے سے متعلق دونوں ملکوں کے سابق کرکٹرز کی پیش گوئیاں
اسلام آباد(ڈیلی پاکستان آن لائن)چیمپئنز ٹرافی 2025 میں پاکستان اور بھارتی لیجنڈز نے اپنی پیشگوئیوں میں بتادیا کہ کون ہوگا پاک بھارت ٹاکرے کا ہیرو؟۔پاک بھارت میچ میں سب سے زیادہ رنز کون بنائے گا؟، پاکستانی لیجنڈز کی نظر میں بابر اعظم جبکہ بھارتی ٹیم میں شبمن گل اور روہت شرما سٹار ہوں گے۔
وکٹوں کی دوڑ میں شاہد آفریدی نے شاہین شاہ کو فیورٹ قرار دیدیا۔ انضمام الحق نے حارث رؤف کو جبکہ یووراج سنگھ کی نظر میں محمد شامی جبکہ سدھو نے اسپنرز کو اہم قرار دیدیا۔
میچ ونر کون ہوگا؟، کے سوال پر شاہد آفریدی اور انضمام نے فخر اور رضوان پر اعتماد کا اظہار کیا جبکہ بھارتی لیجنڈز نے ہاردک پانڈیا اور رشبھ پنت کو اہم قرار دیا۔شاہد آفریدی اور انضمام الحق نے سعود شکیل کو پاکستان کا اہم نوجوان کھلاڑی قرار دیا۔یووراج سنگھ نے بڑا دعویٰ کرتے ہوئے پاکستان کو چیمپئنز ٹرافی میں بھارت کیخلاف فیورٹ ٹیم کا ٹیگ دے دیا۔
