ٹرمپ سے کیسے نمٹا جائے! فرانسیسی صدر نے یورپی رہنماؤں کا  ہنگامی اجلاس طلب کر لیا

پیرس (ڈیلی پاکستان آن لائن)  فرانسیسی صدر ایمانوئل میکرون نے یورپی رہنماؤں کے لیے ایک "ہنگامی اجلاس" طلب کر لیا ہے تاکہ امریکی صدر ڈونلڈ ٹرمپ کے حوالے سے تبادلہ خیال کیا جا سکے۔

فوکس نیوز نے پولیٹیکو کے حوالے سے رپورٹ کیا کہ  پولینڈ کے وزیر خارجہ رادوسلاو سیکورسکی نے میونخ سیکیورٹی کانفرنس کے دوران اس اجلاس کا حوالہ دیا۔ یورپی یونین کے دو عہدیداروں نے تصدیق کی کہ یہ اجلاس پیر کے روز پیرس میں منعقد ہوگا۔ سیکورسکی نے کہا "میں بہت خوش ہوں کہ صدر میکرون نے ہمارے رہنماؤں کو پیرس میں اکٹھا کیا ہے۔" انہوں نے مزید کہا کہ اجلاس میں ٹرمپ کے اقدامات کے اثرات پر انتہائی سنجیدہ انداز میں بات چیت ہوگی۔

انہوں نے مزید کہا کہ صدر ٹرمپ کا کام کرنے کا ایک خاص طریقہ ہے جسے روسی'لڑائی کے ذریعے جاسوسی' کہتے ہیں۔ آپ کسی معاملے کو آگے بڑھاتے ہیں،  ردعمل دیکھتے ہیں اور پھر اپنی پوزیشن تبدیل کرتے ہیں۔ ہمیں اس کا جواب دینا ہوگا۔