آصف علی زرداری 17یا18جبکہ بلاول 25جنوری کو امریکہ روانہ ہونگے
لاہور(مانیٹرنگ ڈیسک)پیپلز پارٹی کے چیئرمین بلاول بھٹو زرداری رواں ماہ امریکہ روانہ ہوں گے، پاک امریکہ تعلقات میں بہتری کیلئے امریکی حکومت کے اعلیٰ حکام سے ملیں گے۔ بلاول بھٹو زرداری انیس جنوری کو ہونے والی لاہور فیصل آباد ریلی کے بعد امریکہ روانہ ہوں گے جبکہ آصف علی زرداری سترہ یا اٹھارہ جنوری کو امریکہ جا رہے ہیں۔پیپلز پارٹی کے ذرائع کے مطابق، بلاول بھٹو کی پچیس جنوری کو امریکہ روانگی کا امکان ہے۔ بلاول بھٹو کی امریکی حکام کے ساتھ ملاقاتیں طے کروا دی گئی ہیں۔ آصف علی زرداری اور بلاول بھٹو امریکہ کی نئی اور پرانی انتظامیہ کے ساتھ ملاقات کریں گے۔ امریکی سینیٹرز، کانگریس کے نمائندوں اور دیگر امریکی حکام سے ملیں گے۔بلاول بھٹو کی ملاقاتوں کا ایجنڈا پاک امریکہ تعلقات میں بہتری لانا ہو گا۔ ا?صف علی زرداری اور بلاول بھٹو کی امریکی حکام سے الگ الگ ملاقاتیں بھی ہوں گی۔ دونوں رہنماؤں کی ایک ایک ہفتے کی مصروفیات امریکہ میں طے کر دی گئی ہیں
