انور مجید کی ایف آئی اے کیخلاف درخواست پر وفاق کو جواب داخل کرانے کیلئے آخری مہلت

انور مجید کی ایف آئی اے کیخلاف درخواست پر وفاق کو جواب داخل کرانے کیلئے آخری ...

کراچی(آئی این پی ) میگا منی لانڈرنگ اسکینڈل میں انورمجید کی ایف آئی اے کے خلاف درخواست پروفاقی حکومت کو 7 فروری تک جواب داخل کرانے کے لیئے آخری مہلت دے دی گئی۔ منگل کو سندھ ہائیکورٹ میں جسٹس آفتاب احمد اور جسٹس امجد علی سہتو پر مشتمل دو رکنی بینچ کے روبرو سندھ کا میگا منی لانڈرنگ اسکینڈل کیس میں سابق صدر آصف علی زرداری کے قریبی ساتھی انور مجید کی ایف آئی اے کیخلاف درخواست کی سماعت ہوئی۔سماعت کے دوران وفاقی حکومت نے جواب جمع کرانے کے لیے ایک بار پھر مہلت مانگ لی۔ دائردرخواست میں کہا گیا کہ ایف آئی اے کے جانب سے جھوٹے مقدمات بنائے جارہے ہیں۔ ہراساں کرنے سے روکا جائے اور مقدمات کی تفصیلات بتائی جائیں۔ ایف آئی اے سے میرے خلاف زیر التوا انکوائری کی بھی تفصیلات طلب کی جائیں۔سندھ ہائیکورٹ نے انورمجید کی ایف آئی اے کے خلاف درخواست پر وفاقی حکومت کو 7 فروری تک جواب داخل کرانے کے لیئے آخری موقع دے دیا۔

انور مجید

مزید : کراچی صفحہ اول