بنگلہ دیش کیخلاف ٹی20سیریزقومی ٹیم کا اعلان آج

بنگلہ دیش کیخلاف ٹی20سیریزقومی ٹیم کا اعلان آج

  



  

لاہور(سپورٹس رپورٹر)قومی کرکٹ ٹیم کے ہیڈکوچ مصباح الحق کپتان بابر اعظم کے ہمراہ (آج)جمعرات کو بنگلہ دیش کیخلاف ٹی ٹوئنٹی سیریز کیلئے قومی ٹیم کا اعلان کرینگے، ہیڈ کوچ اور چیف سلیکٹر مصباح الحق نے کپتان بابر اعظم سے مشاورت کی،قومی سلیکشن کمیٹی میں (آج)بھی مشاورت جاری رہے گی۔بدھ کو قومی کرکٹ ٹیم کے ہیڈ کوچ اور چیف سلیکٹر مصباح الحق، قومی ٹی ٹونٹی کرکٹ ٹیم کے کپتان بابر اعظم اور کوآرڈینیٹر برائے سلیکشن کمیٹی ندیم خان کے درمیان ملاقات آج قذافی اسٹیڈیم لاہور میں ہوئی۔ ملاقات میں بنگلہ دیش کے خلاف ٹی ٹونٹی سیریز کے لیے کھلاڑیوں کے ناموں پر مشاورت کی گئی۔پاکستان اور بنگلہ دیش کے درمیان سیریز میں شامل تین ٹی ٹونٹی میچز 24، 25 اور 27 جنوری کو قذافی اسٹیڈیم لاہور میں ہوں گے۔سیریز کے لیے اسکواڈ کو حتمی شکل دینے کے لیے مشاورتی عمل(آج) جمعرات کو بھی جاری رہے گا جہاں دیگر چھ سلیکٹرز کو بھی اس عمل میں شامل کیا جائے گا۔مشاورتی عمل کے بعد قومی کرکٹ ٹیم کے چیف سلیکٹر اور ہیڈ کوچ مصباح الحق اور کپتان قومی ٹی ٹونٹی کرکٹ ٹیم بابر اعظم جمعرات کو دوپہر اڑھائی بجے قذافی اسٹیڈیم لاہور میں واقع فار اینڈ بلڈنگ کے کانفرنس روم میں پریس کانفرس میں اسکواڈ کا اعلان کریں گے۔

مزید : کھیل اور کھلاڑی