بوٹ پولش کو موضوع بنا کر سیاست اور جمہوریت کو بے توقیر کیا جا رہا ہے:سراج الحق

بوٹ پولش کو موضوع بنا کر سیاست اور جمہوریت کو بے توقیر کیا جا رہا ہے:سراج الحق

  



لاہور(این این آئی)امیر جماعت اسلامی سینیٹر سراج الحق نے کہاہے کہ الیکشن کمیشن مکمل نہ کر سکنے والے ملکوں کے درمیان صلح کروانے کے دعوے کر رہے ہیں، وفاقی کابینہ اجلاسوں میں عوام کی پریشانیوں کے حل کی بجائے تصویروں پر بحث کر رہی ہے،بعض لوگ اداروں کو متنازعہ بنانے پر تلے ہوئے ہیں، بوٹ پالش کو موضو ع بنا کر سیاست اور جمہوریت کو بے توقیر کیا جارہا ہے، چور چوری، ظالم ظلم اور کرپٹ کرپشن ختم نہیں کر سکتے، اختیارات دیانتدار لوگوں کے ہاتھ آئیں گے تو ملک سے چوری، ظلم و جبر اور کرپشن کا خاتمہ ہوگا۔ ان خیالات کا اظہار انہوں نے پارلیمنٹ لاجز میں پنجاب اسمبلی کے رکن معاویہ اعظم طارق کی قیادت میں ملاقات کرنے والے وفد سے گفتگو کرتے ہوئے کیا۔ سینیٹر سراج الحق نے کہاکہ موجودہ حکومت بھی بے سمت آگے بڑھ رہی ہے۔ حکومت کا کوئی ایجنڈا اور پالیسی واضح نہیں۔ حکمران آئین و قانون کی ان دفعات پر عمل کرتے ہیں جن میں ان کے اختیارات میں اضافے کی بات ہوتی ہے۔ عوام کے مسائل اور مشکلات سے حکومت کو کوئی سروکار نہیں اور نہ عوام کو موجودہ حکمرانوں سے کوئی ریلیف مل سکتاہے۔ مہنگائی نے عوام کی زندگی اجیرن کردی ہے۔ دال سبزی بھی اب لوگوں کی پہنچ میں نہیں رہی۔ آٹے کی بڑھتی ہوئی قیمتوں نے عام آدمی کی پریشانیوں میں مزید اضافہ کر دیاہے۔ غربت کے مارے عوام دن رات حکمرانوں کو جھولیاں اٹھا اٹھا کر بددعائیں دے رہے ہیں۔

سراج الحق

مزید : صفحہ آخر