صوبائی دارالحکومت میں چور، ڈاکو سرگرم، 2گھروں کا صفایا، کئی راہگیر لٹ گئے، موٹر سائیکلیں، گاڑیاں چوری
لاہور (کر ائم رپو رٹر)صوبائی دارالحکومت میں چوری و ڈکیتی کی متعدد وارداتوں میں شہریوں کو لاکھوں روپے مالیت کی نقدی، زیورات اور دیگر قیمتی اشیاء سے محروم کر دیا گیا تفصیلات کے مطابق چوہنگ کے علاقے میں ڈاکو عامر کے گھر سے اسلحہ کے زور پر 5لاکھ 10ہزار روپے مالیت کے طلائی زیورات، نقدی اور دیگر قیمتی سامان لوٹ کر فرار ہو گئے سمن آباد کے علاقے میں چور تالے توڑ کر عدنان کے گھر سے 2لاکھ، 10ہزار مالیت کے طلائی زیورات، نقدی اور دیگر سامان چوری، کوٹ لکھپت کے علاقے میں ڈاکو اسلحہ کے زور پر اکرم سے 6لاکھ روپے اور موبائل فون، شاہدرہ کے علاقے میں 3 موٹرسائیکل سوار ڈاکو جمیل سے گن پوائنٹ پر موبائل فون اور نقدی لوٹ کر فرار ہو گئے لٹن روڈ کے علاقے میں ڈاکو شاہد سے 2 لاکھ نقدی اور موبائل فون جبکہ جماعت علی سے 55ہزا رروپے اور موبائل فون،مزنگ کے علاقے میں ڈاکو اختر سے 1 لاکھ روپے اورموبائل فون،مسلم ٹاؤن میں ڈاکو عمران سے 90 ہزار روپے اور موبائل فون جبکہ ناصر سے 70 ہزار روپے اورموبائل فون،گوالمنڈی کے علاقے میں ڈاکو محسن سے 1 لاکھ روپے اور موبائل فون،ریس کور س کے علاقے میں ڈاکو شہزاد سے 90 ہزارروپے اور موبائل فون جنوبی چھاؤنی کے علاقے میں سلیم سے 48ہزار روپے اور موبائل فون،داتا دربار کے علاقے میں ڈاکو علی سے نقدی اور موبائل فون،سٹی رائیونڈ کے علاقے میں ڈاکو وقار سے نقدی اورموبائل فون،کاہنہ کے علاقے میں ڈاکو فیضان سے ایک لاکھ اور موبائل فون جبکہ نواز سے پچاس ہزار اورموبائل فون چھین کر فرار ہو گئے، ساندہ،گلبرگ، ہربنس پورہ، غازی آباد، غالب مارکیٹ، قائد اعظم انڈسٹریل اسٹیٹ سے کاریں اور لٹن روڈ، ڈیفنس، اچھرہ، ماڈل ٹاؤن، مزنگ، ہنجروال، لیاقت آباد سے موٹرسائیکلیں چوری ہو گئیں۔
