ایم کیو ایم حکومت سے بھی باہر نکلے، آصف زرداری (ن) لیگ سے پرانا حساب پورا کر رہا ہے: شیخ رشید
راولپنڈی (آئی این پی) سربراہ پاکستان عوامی مسلم لیگ اور سابق وزیر داخلہ شیخ رشید احمد نے کہا ہے کہ زرداری (ن) لیگ سے پرانا حساب پورا کر رہا ہے، زرداری ایک کو لندن دوسرے کو رائیونڈ چھوڑ کر آئے گا، پیپلز پارٹی، ایم کیو ایم کی جنم جنم کی مخالف، ایم کیو ایم الیکشن بائیکاٹ کے ساتھ حکومتی اتحاد سے بھی باہر نکلے۔ سماجی رابطے کی ویب سائٹ ٹوئٹر پر اپنے پیغام میں شیخ رشید احمد نے لکھا کہ شہبازشریف کو بھی اعتماد کا ووٹ لینا ہوگا، نوازشریف واپس نہیں آئیں گے اور ان کی سیاست پر قل پڑھا جائے گا، کاؤنٹ ڈاون شروع ہے، 15 اپریل تک جنرل الیکشن کا شیڈول بھی آ جائے گا، عمران خان نے سیاست کا انداز بدل دیا ہے۔پی ڈی ایم منہ چھپانے کے بجائے مقابلے کی طرف آئے ورنہ داستان پارینہ بن جائے گی، وزیر خزانہ کے بیان کے بعد فارن کمرشل اکاؤنٹ بھی لوگوں نے خالی کرنا شروع کر دیئے ہیں، ایک طرف آٹے کی لائن ہوگی، دوسری طرف بینک کے شٹر ڈاؤن ہوں گے۔
شیخ رشید
 لیگ سے پرانا حساب پورا کر رہا ہے: شیخ رشید){kind=link}