ڈیرہ،یونین کونسل نمبر 4 تین سال سے گیس کی سہولت سے محروم

ڈیرہ اسماعیل خان(بیورورپورٹ)ڈیرہ شہر کی یونین کونسل نمبر4تین سال سے سوئی نادرن گیس کے حکام کی غفلت اور مقامی نمائندوں کی نااہلی کی بدولت گیس کی سہولت سے محروم ہے‘ 24گھنٹے میں صرف آدھا گھنٹہ یا پونا گھنٹہ گیس فراہم کی جارہی ہے جس کا پریشر بھی انتہائی کم ہے‘گھروں میں کھانے پکانے اور ناشتہ بنانے میں سخت تکلیف کا سامنا ہے‘ اہلیان علاقہ نے کہا ہے کہ پہلے یونین کونسل نمبر4کو گیس فراہمی کیلئے ٹی بی ایس شہر کے وسط چوک گھاس منڈی میں لگایا گیا تھا لیکن نامعلوم وجوہات کی بنا پر جب سے اس ٹی بی ایس کو ہٹایا گیا ہے تب سے گیس کا مسئلہ درپیش ہے‘ انہوں نے مطالبہ کیا کہ اگر فوری طورپر گیس کا مسئلہ حل نہ کیا گیا تو اہلیان علاقہ کے مل کر احتجاج کا راستہ اختیار کرینگے۔