ملتان،سی پی او شاکر حسین داوڑ کا چائنیز کیمپ کا دورہ، غیر ملکی انجینئرز کی سکیورٹی یقینی بنانے کا حکم
ملتان (وقائع نگار)سی پی او ملتان شاکر حسین داوڑ نے تھانہ مظفرآباد کے علاقے میں واقع میں چائنیز کیمپ کا وزٹ کیا۔ ایس ڈی پی او مظفر آباد ابراہیم خان دریشک، انچارج سیکیورٹی راو صنوبر علی اور دیگر افسران ان کے ہمراہ تھے۔ پاک فوج اور رینجرز کے افسران بھی ہمراہ تھے۔ سی پی او ملتان نے چائنیز کیمپ کے سیکیورٹی انتظامات کا جائزہ لیا۔ انہوں نے کنٹرول(بقیہ نمبر32صفحہ6پر)
روم میں سی سی ٹی وی کیمروں کی کارکردگی دیکھی اور چینی انجینیئرز کی فول پروف سیکیورٹی کو یقینی بنانے کے لیے ضروری ہدایات دیں۔ انہوں نے چینی باشندوں کی حفاظت پر مامور پولیس افسران کو ہدایت کی اپنی ڈیوٹی ذمہ داری کے ساتھ انجام دیں اس موقع پر کسی قسم کی غفلت کی گنجائش نہیں ہے۔ انہوں نے ایس ڈی پی او مظفر آباد کو ہدایت کی کہ ان مقامات کا وقتا فوقتا وزٹ کریں سیکیورٹی چیک کریں اور جوانوں کو بریف کریں۔ سی پی او ملتان شاکر حسین داوڑ کا اس موقع پر کہنا تھا کہ ملک کی تعمیر وترقی کے لیے کام کرنے والے غیر ملکی باشندوں کی حفاظت ہماری ذمہ داری ہے اس لیے ان کی حفاظت کو یقینی بنانے کے لیے ہر ممکن اقدامات کیے جائیں۔
