پی ٹی آئی میں (ق)لیگ کے ضم ہونے کا معاملہ ، پرویز الٰہی نے آج اجلاس طلب کرلیا

لاہور(ڈیلی پاکستان آن لائن)پاکستان تحریک انصاف میں (ق)لیگ کے ضم ہونے کے معاملے پر پرویز الٰہی نے آج اجلاس طلب کرلیا،مسلم ق لیگ کی پارلیمانی پارٹی کے ارکان، سینئر رہنما، سینیٹر اجلاس میں شریک ہوں گے ،ق لیگ کی قیادت آج پی ٹی آئی میں ضم ہونے یا الگ شناخت برقرار رکھنے کا جائزہ لے گی ۔
نجی ٹی وی چینل ایکسپریس نیوز کے مطابق چیئرمین پی ٹی آئی عمران خان نے پرویز الٰہی اور مونس الٰہی کو پی ٹی آئی میں ضم ہونے کی پیش کش کی تھی ،مونس الٰہی مسلم لیگ (ق)کو پی ٹی آئی میں ضم کرنے کے حامی ہیں،ق لیگ کے سابق ارکان اسمبلی کی اکثریت نے بھی پی ٹی آئی میں ضم ہونے کی حمایت کردی ،ق لیگ کی قیادت پرویز الٰہی کی زیرصدارت اجلاس میں حتمی فیصلہ کرے گی ،مسلم لیگ (ق)کو پی ٹی آئی میں ضم کرنے کا فیصلہ ہونے کا امکان ہے۔